Masinde

MKAZI wa Kata ya Igulubi wilayani Igunga mkoani Tabora,   Sudi Seif   (47), amehukumiwa kifungo cha maisha jela kwa kosa la ubakaji. Seif alihukumiwa jana na Mahakama ya Wilaya ya Igunga. Awali mwendesha mashitaka wa Serikali, Elimajid Emmanuel, akimsomea mashtaka ya mtuhumiwa mbele ya Hakimu wa Mahakama ya Wilaya ya Igunga, Ajal Milanzi, alisema Aprili 16 hadi Juni 16 mwaka 2014, kwa nyakati tofauti, Seif aliwabaka na kuwaingilia kinyume na maumbile watoto wawili, mmoja mwenye umri wa miaka sita na mwingine tisa. Alidai kuwa mtuhumiwa alitenda kosa hilo na kuwasababishia maumivu makali watoto hao, jambo ambalo ni kinyume na kifungu cha 130, kifungu kidogo cha kwanza cha kanuni ya adhabu kilichofanyiwa marekebisho mwaka 2002 kinachozuia kutenda makosa kama hayo. Baada ya kusomewa mashtaka, Seif alikana kutenda makosa   hayo na ndipo upande wa mashtaka ulipeleka mashahidi watano ambao walitoa ushahidi mahakamani.   Baada ya kusikiliza ushahidi kutoka pande zote mbil

KIJANA mmoja amefariki dunia na wengine wawili wamenusurika baada ya ajali ya kuzama kwa dau baharini walilokuwa wakilitumia kuvulia samaki katika Kijiji cha Uzini, Shehia ya Ng’ambwa, Wilaya ya Kati Unguja. Akithibitisha tukio hilo, Kamanda wa Polisi Mkoa wa Kusin Unguja, Juma Saadi Khamis, alisema tukio hilo lilitokea Februari 17, mwaka huu katika Kijiji cha Ng’ambwa ambapo vijana watatu; Suleiman Asaa Suleiman (16), Alnoor Mohamed Issa (18) na Kassim Masoud (14) walikuwa wakitumia chombo cha uvuvi aina ya dau katika bahari ya kati, lakini ghafla hali ya hewa ilibadilika na chombo chao kikapinduka na kuzama. Dhoruba hiyo ilisababisha kijana mmoja kati ya hao aliyetambuliwa kwa jina la Suleiman kupotea ambapo wenzake walinusurika baada ya kushika sehemu za bembeni za dau hilo lililokuwa limebinuka hadi walipopita wavuvi na kuwasaidia kuwarudisha kijijini kwao. Kamanda huyo ambaye ni Kamishna Msaidizi wa Jeshi la Polisi Zanzibar, alieleza kuwa baada ya wanakijiji kupata taarifa

SHIRIKA la Ndege la Precision   linatarajia kuuza baadhi ya ndege zake na kubakiza ndege sita    kupunguza mzigo wa madeni yanayoikabili Kampuni hiyo kwa sasa. Mwenyekiti wa Bodi ya Wakurugenzi wa shirika hilo, Michael Shirima alisema Dar es Salaam jana kuwa   hatua hiyo imefikiwa kutokana na uchakavu wa ndege hizo     na hali ya uchumi wa kampuni. “Kampuni iko katika mazungumzo na mwekezaji ili kukamilisha makubaliano ya kununua ndege zenye madeni na kisha kuzikodisha kwa kampuni nyingine… makubaliano haya yanatarajiwa kufikiwa mwishoni mwa robo ya kwanza ya mwaka huu,” alisema Shirima. Alisema pamoja na kufikia hatua hiyo kampuni haijakata tamaa   kwa kuweka jitihada ya kutafuta mtaji mkubwa kupitia kwa wanahisa wa sasa au wawekezaji wasio wanahisa. Awali akiitoa taarifa katika   mkutano mkuu wa mwaka wa Tatu wa wanahisa, Shirima alisema mazingira ya biashara yalikuwa na ushindani huku kukiwa na hofu juu ya usalama duniani kote. Pia alisema thamani ya fedha za ki

BWENI moja la wasichana la Shule ya Sekondari ya Musoma Utalii katika  kijiji cha Nyabange nje kidogo ya mji wa Musoma mkoani Mara, limeungua kwa moto na kuteketeza vitu mbalimbali vilivyokuwamo. Makamu Mkuu wa Sekondari hiyo, Baraka  Julius,  alisema  moto huo ulitokea juzi   mchana kutokana na hitlafu ya umeme lakini kwa jitihada za wanafunzi na wananchi waliendelea kuuzima mpaka gari la kikosi cha Zimamoto lilipowasili. Alisema jitihada za awali za kuzima moto zilizofanywa na wanafunzi wenyewe  zilifanikiwa  kwa kiasi  na kusaidia kuokoa baadhi ya mali zao ingawa nyingine ziliteketea. “Ni vugumu kusema kiasi sahihi cha mali   kuteketea kwa kuwa hatujafanya tathmini  sahihi ya janga hili la moto.  Tunachoshukuru ni kuwa bweni hili limeungua wakati wanafunzi wakiwa wanaendelea na vipindi darasani,” alisema Baraka. Kamanda wa Polisi Mkoa wa Mara Philip Kalangi alithibitishwa kutokea kwa moto huo na kusema hakuna vifo vilivyotokea. Chanzo cha moto huo hakijajulikana 

BAADHI ya maduka   Dar es saalam   yameendelea kuuza dawa zilizo futiwa usajili   na Mamlaka ya Chakula   na Dawa(TFDA)   baada ya kubaini   zina madhara kwa binadamu. TFDA   ilifuta usajili wa aina tano za dawa ambazo ni dawa ya kutibu fangasi ya vidonge na kasuli(ketoconazole) na   dawa ya kutibu malaria ya maji na vidonge Amodiaquine (monotherapy). Dawa nyingine zilizopigwa marufuku kuuzwa madukani ni     dawa ya kutibu mafua na kikohozi ya maji na ile ya vidonge na kapsuli zenye kiambato   hai (phenypropanl amine), dawa ya kuua bacteria ya sindano (chloramphenicol sodium) na dawa ya kuua bacteria ya maji na kapsuli(Cloxacillin). Mtanzania ilitembelea baadhi ya maduka   ya dawa Mabibo, katikati ya jiji na Ubungo Maziwa na kukuta yanaendelea kuuza dawa zilizofutiwa usajili. Ofisa Habari wa TFDA,   Gaudensia Simwanzi alisema,   “kwa sasa tupo kwenye ukaguzi sehemu mbalimbali nchini     katika maduka yote ya dawa. “Dawa ya SP iliyokuwa ya malaria   imebadilishiwa

CHAMA cha Walemavu Tanzania (Chawata), kimewataka wanasiasa kuandaa wakalimani katika mikutano yao ya kampeni katika Uchaguzi Mkuu unaotarajiwa kufanyika Oktoba, mwaka huu ili waweze kushiriki vyema na kufanya uamuzi wa kuchagua viongozi sahihi kwa maendeleo ya taifa. Mwenyekiti wa walemavu  Amoni Mpanju Mbali na hilo, pia wamewataka wanasiasa kutumia maandishi ya nukta nundu pamoja na yaliyokuzwa maalumu kwa watu wenye ulemavu wa ngozi (albino) na wale wasioona vizuri katika vitabu vya ilani zao za uchaguzi. Hayo yalisemwa kwenye mkutano wa watu wenye ulemavu jijini Dar es Salaam jana na Mwenyekiti wa chama hicho, Amon Mpanju,   wakati wa uwasilishaji wa waraka kwa wadau wa demokrasia nchini. Mpanju alisema lengo ni kuwa na ushiriki mpana na wenye tija kwa watu wenye ulemavu katika michakato yote ya demokrasia nchini. Alisema wamefikia uamuzi huo baada ya kuwapo kwa ushiriki mdogo wa walemavu katika michakato ya kidemokrasia na utawala wa nchi kama raia wengine.   “Si

MWAKILISHI wa Magomeni visiwani Zanzibar, Salmin Awadhi Salmin (CCM), amefariki dunia ghafla baada ya kuanguka katika kikao cha Chama Cha Mapinduzi (CCM), kilichokuwa kinafanyika katika ofisi kuu ya chama hicho, Kisiwandui mjini Unguja. Mwili wa Mwakilishi wa Jimbo la Magomeni Salmin Awadh ukitolewa katika hospitali ya Mnazimmoja Unguja kupelekwa nyumbani Mpendae baada ya mwakilishi huyo kufariki ghafla akiwa kwenye kikao cha CCM Zanzibar jana. Salmin pia ni Mnadhimu Mkuu wa Baraza la Mapinduzi na mjumbe wa kamati kuu wa chama cha mapinduzi Taarifa hiyo ilianza kuenea mjini Unguja jana saa 6 mchana, na hata kuzua maswali kutoka kwa wananchi kuhusu utata wa kifo chake. Salmin (57) ambaye pia alikuwa ni mnadhimu wa wawakilishi wa CCM na mjumbe wa Kamati Kuu ya chama hicho (CC), alikuwa mmoja wa wawakilishi wanaopinga mfumo wa Serikali ya Umoja wa Kitaifa (SUK) kwa kutaka wananchi waulizwe kama bado wanahitaji muundo huo wa Serikali ya Mapinduzi Zanzibar. Akizungumza

Shule zote za serikali zikiwemo za msingi na zile za upili nchini Uingereza zitalazimika kufunza somo la ngono na uhusiano SRE ,wabunge wa taifa hilo wamesema katika ripoti yao. Kamati ya elimu katika bunge la Uingereza ilianzisha uchunguzi baada ya kubainika kuwa zaidi ya thuluthi moja ya shule zilikuwa zikishindwa kutoa mafunzo ya somo hilo kwa aumri unaohitajika. Mwenyekiti wa kamati hiyo Graham Sturat amesema kuwa vijana wadogo wana haki ya kupata habari ambazo zitahakikisha usalama wao. Serikali imesema kuwa itaangazia matokeo ya ripoti hiyo. Mwaka 2013 ripoti ya bunge hilo ilisema kuwa masomo ya kibinafsi,ya kijamii ,afya na elimu ya kiuchumi ambapo somo hilo la ngono limehusishwa yanahitaji kuimarika katika asilimia 40 ya shule. Wabunge hao wamesema:Hali hii haitakubalika katika masomo mengine licha ya kuwa harakati za serikali kuimarisha masomo hayo ni za kiwango cha chini.-bbc

Mbinu mpya ya chanjo imeonekana kuwakinga nyani dhidi ya virusi vya HIV ,ripoti ya wanasayansi wa Marekani imesema. Chanjo kwa kawaida huifundisha kinga ya mwili wa mtu kukabiliana na maambukizi. Lakini,watafiti katika taasisi ya Scripps mjini Carlifornia wamebadilisha DNA ya nyani hao ili kuzipa seli zao uwezo wa kukabiliana na virusi vya HIV. Kikosi hicho cha wanasayansi kimetaja hatua hiyo kama mafanikio makubwa na sasa kinataka kuanzisha mbinu hiyo miongoni mwa binaadamu. Majaribio yaliofanywa miongoni mwa nyani hao katika ripoti ya jarida la asili,yalionyesha kuwa nyani walikingwa kutokana aina yoyote ya virusi vya HIV kwa kipindi cha wiki 34. Watafiti wanaamini kuwa mpango huo huenda ukawa muhimu miongoni mwa watu ambao wana virusi vya HIV. Mtanfiti bingwa Professa Micheal Farza ameiambia BBC :'' tunakaribia kupata tiba ,lakini bado tunakabiliwa na vikwazo hususan katika salama wa kuwapa watu wengi zaidi. ''Tunaifurahia na tunadhani kwamba mi mafa

Wakala wa Usajili Ufilisi na Udhamini (RITA) unategemea kuanza rasmi mkakati wa kuwasajili na kuwapa vyeti vya kuzaliwa wanafunzi wa shule za Msingi za Manispaa ya kinondoni Ijumaa wiki ijayo tarehe 27 Februari 2015 ambapo mpango huu utatekelezwa katika shule 140 zenye wanafunzi wapatao 155,944. Lengo ni kusajili wanafunzi 20,000. Kuzinduliwa kwa mkakati huu katika Manispaa ya Kinondoni ni muendelezo wa mkakati mkuu uliozinduliwa Mwezi Aprili 2014 unao wawezesha wanafunzi wa Shule za Msingi na Sekondari kusajiliwa na kupata vyeti vya Kuzaliwa katika shule wanazosoma. Katika mkakati huu kila shule huteua mwalimu mmoja atakayeratibu zoezi baada ya kupewa mafunzo ya kina kuhusu Usajili wa Vizazi na kupewa vitendea kazi kwa ajili ya kufanya usajili wa awali katika shule zao. Baada ya Mwalimu kuwatangazia wanafunzi na wazazi kuhusu huduma hiyo kupatikana shuleni atagawa fomu za maombi kwa wanaohitaji na atahakiki fomu zilizojazwa na atazikusanya na kuziwasilisha fomu RITA

MWANAUME mmoja, George Mnyiramba (45), mkazi wa Kijiji cha Kawaya, Wilaya ya Hai, Mkoa wa Kilimanjaro, amemuua mkewe, Farida Mnyiramba (40), kutokana na wivu wa mapenzi. Mkuu wa Wilaya ya Hai, Novatus Makunga, aliliambia MTANZANIA jana kwamba, mwanaume huyo alimuua mkewe huyo kwa kumchoma visu katika maeneo mbalimbali ya mwili wake. Makunga ambaye pia ni Mwenyekiti wa Kamati ya Ulinzi na Usalama ya Wilaya, alisema mauaji hayo yalitokea Februari 17 mwaka huu saa tano usiku. “Baada ya mtuhumiwa huyo kutenda kosa hilo, alikunywa sumu ya kuulia magugu shambani lakini hakufanikiwa kupoteza maisha kwa sababu alikimbizwa hospitalini na kupatiwa matibabu. “Kwa hiyo uchunguzi zaidi wa tukio hilo unaendelea ili kubaini ukweli juu ya tukio hilo ili hatua mbalimbali za kisheria ziweze kuchukuliwa dhidi yake,” alisema Makunga. Kamanda wa Polisi Mkoa wa Kilimanjaro, Geofrey Kamwela, alithibitisha kutokea kwa tukio hilo. Alisema Jeshi la Polisi linamshikilia mtuhumiwa huyo kwa uchunguz

POLISI mkoani Kigoma wanamshikilia  Sindotuma Nyamubi (39)  wa Kijiji cha Kasaka Kata ya Nyaruyoba Wilaya ya Kibondo mkoani Kigoma akidaiwa  kumchoma moto na kumuunguza mdomo mtoto wake baada ya kumtuhumu   kudokoa maharage jikoni.   Ofisa Mtendaji wa Kijiji hicho, Felix Cosmas, alisema  baada ya kumuunguza alimfungia ndani mtoto huyo kwa siku tatu na ndipo ilipobainika kwa majirani kutokana na kutoonekana akicheza na wenzake nje hivyo kutoa taarifa polisi na mzazi huyo alikamatwa. Mkuu wa Polisi wa Wilaya ya Kibondo, Michael Joshua,  alikiri kutokea kwa tukio hilo na kumtaja mtoto aliyefanyiwa unyama huo na mazazi wake kuwa ni Shukuru Sindotuma na baada ya mtuhumiwa kufikishwa kituoni hapo alikiri kumchoma mtoto wake mdomo kwa   kula maharage bila ya ruhusa yake.

MAMLAKA ya Hali ya Hewa Tanzania (TMA)imetoa tahadhari kwa wakazi wa maeneo ya mabondeni kuhama kutokana na mvua kubwa   inayoendelea kunyesha katika baadhi ya mikoa nchini. Akizungumza     Dar es Salaam jana, Mkurugenzi wa TMA, Dk.Agnes Kijazi alisema hali ya hewa kwa sasa si nzuri na inasababisha hofu kwa wakazi wanaoishi mabondeni. “Kutakuwa na upepo mkali utakaoendana na ngurumo za radi hali itakayosababisha kujaa     maji katika baadhi ya maeneo na kuleta athari za mafuriko kwa wakazi wanaoishi mabondeni. “Mikoa ambayo mvua imeishaanza kunyesha ni     ya Nyanda za Juu Kusini ikiwamo Mbeya,Iringa na Rukwa na bado baadhi ya mikoa mvua hii imeanza kunyesha. “Ni bora wananchi wachukue tahadhari mapema kuliko kusubiri athari itokee,”alisema Kijazi. Pia mkurugenzi huyo alitahadharisha watumiaji wote wa bahari kuwa makini wanapokuwa maeneo ya fukwe kulingana na hali ya hewa ilivyo   sasa na siku zinazoendelea na mamlaka itandelea kutoa taarifa kulingana na hali hal

KAMANDA wa Polisi Mkoa wa Polisi Temeke, Kihenya Kihenya amesema sampuli ya nyama inayodaiwa kuwa ya paka imekabidhiwa kwa mtaalamu wa mifugo kuifanyia uchunguzi. Akizungumza na MTANZANIA Dar es Salaam jana, Kamanda Kihenya alisema   nyama hiyo imekwisha kukabidhiwa kwa mtaalamu wa mifugo    kuifanyia uchunguzi     kwa vile   nyama hiyo imewatia wasiwasi baadhi ya wananchi. Juzi wananchi walimpiga kijana mmoja,   Said Mishikaki, kwa madai ya kuwauzia nyama ya paka katika Kituo cha Daladala cha Temeke Mwisho. Muuzaji huyo wa mishikaki anadaiwa kuwa amekuwa maarufu kwa jina hilo kutokana na uzoefu wake   katika kuuza mishikaki ambayo wateja wamekuwa wakiikimbilia. Kamanda Kihenya alisema wanataka   sampuli hiyo itabidi ichunguzwe     kuondoa wasiwasi kwa wananchi wa eneo hilo.-Mtanzania

MWILI wa mtoto albino, Yohana Bahati (mwaka mmoja) aliyeporwa kutoka mikononi mwa mama yake katika Kijiji cha Lumasa, Wilaya ya Geita, Mkoa wa Geita, umepatikana. Kamanda wa Polisi, Mkoa wa Geita, Joseph Konyo, aliliambia MTANZANIA jana kuwa mwili huo ulipatikana jana katika Pori la Hifadhi ya Biharamulo lililoko Wilaya ya Biharamulo, Mkoa wa Kagera, ukiwa umenyofolewa mikono na miguu. Alisema mwili wa mtoto huyo uliokotwa juzi saa 12 jioni na wakazi wa eneo hilo waliokuwa wakifanya doria tangu alipopotea Februari 15, mwaka huu. Kwa mujibu wa Kamanda Konyo, mwili wa marehemu ulikutwa kwenye shamba la mahindi lililopo katika Hifadhi ya Biharamulo. “Mwili huo uliokotwa kwa jitihada za wakazi wa Kitongoji cha Mapinduzi, Kijiji cha Lumasa wilayani Chato waliokuwa doria wakishirikiana na makachero wa Jeshi la Polisi waliomwagwa huko kwa ajili ya msako wa watu waliohusika na unyama huo. “Baada ya mwili huo kuokotwa, ulichukuliwa na kwenda kuhifadhiwa katika Hospitali ya

BAADHI ya maduka Jijini Dar es saalam   yanaendelea kuuza dawa zilizofutiwa usajili   na Mamlaka ya Chakula   na Dawa Tanzania (TFDA)   baada ya kubaini zina madhara kwa binadamu. Mamlaka hiyo ilifuta usajili kwa aina tano za dawa ya vidonge ya kutibu fangasi kasuli(ketoconazole), dawa ya kutibu malaria ya maji na vidonge Amodiaquine (monotherapy). Dawa nyingine zilizofutiwa usajili na kupigwa marufuku kuuzwa madukani ni pamoja na ya kutibu mafua na kikohozi ya maji na ile ya vidonge pamoja na kapsuli zenye kiambato hai (phenypropanl amine). Dawa nyingine ni ile ya kuua bacteria ya sindano (chloramphenicol sodium) na dawa ya kuua bacteria ya maji pamoja na kapsuli(Cloxacillin). MTANZANIA ilitembelea baadhi ya maduka ya dawa maeneo ya Mabibo, katikati ya jiji, Ubungo Maziwa na Mwenge na kukuta dawa hizo zikiendea kuuzwa. Akizungumza hali hiyo jana, Ofisa Habari wa TFDA, Gaudensia Simwanzi alisema kwa sasa wataalamu wa mamlaka hiyo wapo katika ukaguzi unaofanyika seh

RAIA wa kigeni wanaofanya biashara haramu ya madini wamekamatwa na madini yenye thamani ya Dola za Marekani 113,807.11 sawa   Sh milioni 641.853 katika uwanja wa Ndege wa Kimataifa wa Julius Nyerere (JNIA). Akizungumza Dar es Salaam jana, Mkurugenzi wa Fedha na Utawala wa TMAA, Bron Mteta alisema watu hao walikamatwa katika matukio 27 tofauti huku wakiwa na madini ya aina mbalimbali. Alisema miongoni mwa matukio hayo ni pamoja na lile la Juni 12 mwaka jana ambapo raia mmoja alikamatwa kwenye uwanja huo akiwa na madini ya vito vyenye uzito wa gramu 1,290 yenye thamani ya dola za Marekani 11,591.82. Alisema mtuhumiwa alifikishwa mahakamani na kuhukumiwa adhabu ya kulipa faini ya Sh 300,000. Alisema katika tukio jingine la Desemba 14 mwaka jana,raia mwingine wa kigeni alikamatwa kwenye uwanja huo akiwa na madini ya vito ya uzito wa karati 288 na thamani ya dola za Kimarekani 23,235.50. Alisema mpaka sasa hatua za kisheria zimechukuliwa kwa mtuhumiwa huyo ikiwa ni pamo

MUUZA mishikaki mmoja katika kituo cha daladala cha Temeke mwisho jijini Dar es Salaam maarufu kwa jina la Said Mishikaki, amekamatwa na kupigwa na wananchi kwa tuhuma za kuuza mishikaki ya nyama ya paka. Said alikamatwa jana asubuhi baada ya taarifa kusambaa katika eneo hilo zikimtuhumu kwamba amekuwa na kawaida kuuza mishikaki ya nyama ya paka badala ya ng’ombe, mbuzi na wanyama wengine wanaoliwa. Taarifa zilizopatikana kutoka eneo la tukio zinasema kuwa, baada ya taarifa hizo kuenea, wananchi walilazimika kumtafuta muuza mishikaki huyo ili wamchukulie hatua. Baada ya kumsaka kwa dakika kadhaa, hatimaye walifanikiwa kumkamata na kumkuta akiwa na paka mmoja aliyekuwa amemchinja na kumuweka kwenye ndoo. Kwa mujibu wa taarifa hizo, wananchi hao walipomuona paka huyo akiwa amechinjwa, walichachamaa na kuanza kumshushia kipigo muuza mishikaki huyo na kumuumiza sehemu mbalimbali za mwili wake. Kamanda wa Polisi, Mkoa wa Kipolisi wa Temeke, Kihenya Kihenya, alipozungumza na MTAN

Inakadiriwa kuwa asilimia 90 ya watazamaji wa televisheni nchini Kenya hawawezi kutazama vipindi vyao wavipendavyo hivi sasa, baada ya serikali kuzima matangazo yanayorushwa kupitia mfumo wa analogi na kuwasha rasmi mfumo wa dijitali. Watazamaji hao ni wale wanaotumia vituo vinavyomilikiwa na mashirika matatu makubwa kati ya matano nchini humo, yaani National Media Group, Standard Group na Royal Media Services.   Unauzungumziaje mchakato huu wa kuhamia kwenye mfumo wa matangazo ya ditijali katika eneo la Afrika ya Mashariki?

Olusegun Obasanjo Aliyekuwa rais wa Nigeria Olusegun Obasanjo ametimuliwa kutoka chama tawala cha PDP. Bwana Obasanjo amepinga vikali kuahirishwa kwa uchaguzi nchini Nigeria hadi mwezi machi. Rais huyo wa zamani amekuwa mstari wa mbele kumkosoa rais wa sasa Goodluck Jonathan, ambaye anawania muhula wa pili kwa tiketi ya chama cha PDP. Rais Jonathan anakabiliwa na upinzani mkali kutoka kwa mgombea wa upinzani bwana Muhammadu Buhari. Muda mchache kabla ya kutimuliwa chamani, Obasanjo aliwaambia waandishi wa Habari kuwa alikuwa akitarajia kutimuliwa chamani japo ujumbe ulimfikia mapema kabla ya ya tangazo. Alipasua kadi yake ya uanachama hadharani jambo lililowaaudhi wandani wa rais kwani ilikuwa inaonesha mgawanyiko katika chama huku uchaguzi mkuu ukisogea. Obasanjo amesema kuwa hatojiunga na chama chochote . "Nitasalia raiya wa kawaida ,mimi ni Mnigeria. Niko tayari kuchangia maendeleo ya taifa kwa ushirikiano wa mtu yeyote bila ya kujali msimamo wa kis

UONGOZI wa Yanga umefikia uamuzi wa kuboresha mishahara ya wachezaji wao, kutokana na kile kinachoonekana kufurahishwa na mwenendo wa kikosi chao katika Ligi Kuu Tanzania Bara na Kombe la Shirikisho Afrika. Yanga inashika nafasi ya pili katika msimamo wa Ligi Kuu Bara, lakini ikiwa na pointi 25 na mechi 13 sawa na vinara Azam waliopo kileleni kutokana na wastani mzuri wa mabao ya kufunga na kufungwa. Katika michuano ya kimataifa ya Kombe la Shirikisho, timu hiyo imeanza kwa mbwembwe kwa kuichapa BDF XI ya Botswana mabao 2-0 katika mchezo wa kwanza wa raundi ya awali uliopigwa Jumamosi iliyopita kwenye Uwanja wa Taifa, Dar es Salaam. Ukiachana na ushindi huo, moyo wa kupambana unaoonyeshwa na wachezaji wa timu hiyo, ndio hasa unaoushawishi uongozi wa Yanga kufikiria jinsi ya kuwafurahisha zaidi vijana wao waweze kufanya mambo makubwa zaidi wakiamini hilo lipo ndani ya uwezo wao. Juu ya mpango wao huo wa kuboresha mishahara ya wachezaji, uongozi wa klabu hiyo umeona ni v

BAADA ya Yanga kuifunga BDF XI ya Botswana mabao 2-0 katika mchezo wa kwanza wa raundi ya awali ya Kombe la Shirikisho Afrika Jumamosi ya wiki iliyopita, timu hiyo inaondoka Dar es Salaam kwenda Mbeya tayari kwa mechi zao dhidi ya Prisons na Mbeya City, huku wakiwa na matumaini makubwa ya kushinda. Katika mchezo wao dhidi ya BDF XI uliopigwa kwenye Uwanja wa Taifa, Dar es Salaam, Yanga ilicheza vizuri mno na iwapo washambuliaji wake wangekuwa makini, wangevuna zaidi ya idadi hiyo ya mabao. Ushindi wa Jumamosi unaonekana kuzidi kuwapandisha mzuka Yanga ambapo wameapa kuvamia Jiji la Mbeya kwenda kuendeleza furaha yao katika mechi mbili za Ligi Kuu Tanzania Bara zitakazopigwa Uwanja wa Sokoine Alhamisi na Jumapili. Katika mchezo wao wa kwanza jijini humo, watamenyana na Prisons Alhamisi, kabla ya kushuka dimbani tena Jumapili kukipiga na Mbeya City. Mechi hizo zote ni ngumu ambapo iwapo watashinda, watakuwa wamejiweka katika mazingira mazuri kwenye msimamo wa ligi hiyo,

SIMBA wamewateka washambuliaji hatari wa mabingwa wa Sudan El-Merreikh, Mohamed Traore na Allan Wanga ambao juzi walikuwa mwiba mchungu kwa mabeki wa Azam, wakati wa mchezo wa Ligi ya Mabingwa Afrika uliochezwa Uwanja wa Azam Complex, nje kidogo ya Jiji la Dar es Salaam. Katika mchezo huo, Azam ilishinda mabao 2-0, lakini mabeki wake, hasa Muivory Coast, Pascal Wawa, wakifanya kazi ya ziada kumdhibiti Wanga aliyecheza dakika zote 90. Baada ya mchezo huo, Makamu wa Rais wa Simba, Geoffrey Nyange ‘Kaburu’, hakutaka kufanya kosa na kujitosa ‘mzima mzima’ kwenda kufanya mazungumzo na Wanga. BINGWA lilimshuhudia Kaburu akizungumza na Traore na baadaye Wanga, lakini ikiwa ni baada ya kiongozi huyo kuwapongeza wawili hao kwa kazi waliyoifanya. Simba ilishawahi kumtaja Traore kama mmoja wa wachezaji waliokuwa katika mpango wao wa usajili wa dirisha dogo la Desemba mwaka jana. Baada ya kuzungumza na Kaburu, BINGWA lilimfuata Wanga kutaka kujua alichokuwa akiteta na bos

SHULE ya Sekondari Tusiime ya Tabata Dar es Salaam, imeendeleza umwamba wake katika matokeo ya kidato cha nne ambapo wanafunzi 90 wamepata ufaulu uliojipambanua. Tusiime secondary school Kwa mujibu wa matokeo yaliyotangazwa mwishoni mwa wiki na Baraza la Taifa la Mitihani (NECTA), wanafunzi wengine 98 wa shule hiyo wamefaulu vizuri na hakuna mwanafunzi hata mmoja aliyepata daraja la mwisho. Matokeo hayo yanaonyesha shule hiyo imefanikiwa kushika nafasi ya tano kimkoa kati ya shule 191 na imeongoza somo la kemia kati ya shule 397 mkoani Dar es Salaam na imekuwa ya tano kitaifa kwenye somo hilo. Vile vile imekuwa ya tatu kimkoa katika somo la biashara kati ya shule 311 na ya 11 kitaifa kwa somo hilo kati ya shule 1,241. Aidha, katika somo la fizikia kimkoa imekuwa ya nne kati ya shule 393 ya nane kimkoa katika masomo ya Jiografia na Book Keeping na kwa matokeo ya jumla imekuwa ya tano kwa Mkoa wa Dar es Salaam kati ya shule 191, huku kit

Nicolaus Suguye NABII Nicolaus Suguye wa Kanisa la The Word of Reconciliation Ministries (WRM) iliyopo Matembele ya Pili jijini Dar es Salaam, ametabiri nchi kuingia kwenye machafuko kutokana na uvamizi wa maadui kutoka nje ya nchi ambao watasababisha baadhi ya Watanzania kupoteza maisha kutokana na mapigano yatakayozuka. Kauli hiyo aliitoa mwishoni mwa wiki iliyopita wakati wa ibada kanisani hapo na kuwataka waumini wote kuingia kwenye maombi ya kufunga na kuomba ili kunusuru hali hiyo isijitokeze na kusababisha Watanzania kuishi maisha ya wasiwasi, ambayo hawajayazoea tangu nchi hii ipate uhuru wake mwaka 1961. “Nimeona maputo baharini yanatoka pande nne za dunia kuja nchi kavu na yalikuwa yanamwaga sumu kali na kila aliyekuwa anagusa alikufa na wengine walikatika viungo vyao na wengine walikimbia ovyo kwa lengo la kutaka kuokoa maisha yao. “Hii ina maana kuna hali ya machafuko ambayo yataipata nchi hii, hivyo tunatakiwa kusimama kwenye maombi kwa ajili ya kubatilish