Tusiime yang’ara kidato cha nne

SHULE ya Sekondari Tusiime ya Tabata Dar es Salaam, imeendeleza umwamba wake katika matokeo ya kidato cha nne ambapo wanafunzi 90 wamepata ufaulu uliojipambanua.

Tusiime secondary school

Kwa mujibu wa matokeo yaliyotangazwa mwishoni mwa wiki na Baraza la Taifa la Mitihani (NECTA), wanafunzi wengine 98 wa shule hiyo wamefaulu vizuri na hakuna mwanafunzi hata mmoja aliyepata daraja la mwisho.

Matokeo hayo yanaonyesha shule hiyo imefanikiwa kushika nafasi ya tano kimkoa kati ya shule 191 na imeongoza somo la kemia kati ya shule 397 mkoani Dar es Salaam na imekuwa ya tano kitaifa kwenye somo hilo.

Vile vile imekuwa ya tatu kimkoa katika somo la biashara kati ya shule 311 na ya 11 kitaifa kwa somo hilo kati ya shule 1,241.

Aidha, katika somo la fizikia kimkoa imekuwa ya nne kati ya shule 393 ya nane kimkoa katika masomo ya Jiografia na Book Keeping na kwa matokeo ya jumla imekuwa ya tano kwa Mkoa wa Dar es Salaam kati ya shule 191, huku kitaifa ikiwa ya 41 kati ya shule 2,322 katika kundi lenye watahiniwa zaidi ya 40.

Kwa matokeo hayo kati ya wanafunzi 208 waliofanya mtihani huo, wanafunzi 90 wamepata daraja la kwanza, 98 daraja la pili na 20 daraja la tatu na hakuna daraja la nne wala 0.

Akizungumzia matokeo hayo, Mkuu wa shule hiyo, Emil Rugambwa, aliwapongeza walimu wake kwa kazi na jitihada kubwa walizofanya kuhakikisha wanapata matokeo mazuri kama hayo.

Akizungumzia siri ya ufaulu huo mmoja wa wanafunzi aliyepata GPA ya 4.6,  Antony Mataro, ambaye mwaka 2012 akiwa kidato cha pili aliongoza kitaifa kwa kupata alama A kwa masomo yote.