Masinde

NA FARAJA MASINDE UMOJA wa Falme za Kiarabu ni moja ya nchi zilizopiga hatua kubwa kwenye suala zima la teknolojia, hasa kwenye jiji la Dubai. Hii imekuwa ikichagizwa zaidi na uwepo wa wawekezaji kutoka mataifa mbalimbali ambao wamejikita kuwekeza kwenye nchi hiyo. Mbali na mambo mengine, eneo la teknolojia ya majengo limekuwa ni sehemu inayoutambulisha mji wa Dubai kutokana na namna yalivyojengwa kila moja kwa muundo wake, jambo ambalo limesaidia taifa hilo kujiweka kwenye nafasi nzuri zaidi ya utalii. Lakini katika kuhakikisha kuwa wanaendelea kuwa vinara kwenye kutumia teknolojia vyema, nchi hiyo imekamilisha uwanja wa tenisi, ukiwa ni mkakati wa kutaka kuboresha eneo la michezo kwa ujumla nchini humo. Pia ni sehemu ya kujikusanyia fedha kupitia uwanja huo kutoka kwa watalii ambao watakuwa wanafika kwa ajili ya kutaka kuushuhudia. Uwanja huo ambao umepewa jina la Underwater Tennis Stadium, unawawezesha wachezaji wa tenisi kucheza mchezo huo, huku pia ukitoa nafasi kwa m

NA FARAJA MASINDE, JUKUMU langu ni kuhakikisha maktaba ya ubongo wako inapata madini yote kuhusu teknolojia michezoni. Huwezi kubisha nikikwambia kuwa, eneo hili la teknolojia limekuwa na faida kubwa iwapo litatumika vema, kwani hata wanamichezo wamenusa fursa hii na kuona kumbe wanaweza kutengeneza mkwanja mrefu kwa kufanya uwekezaji kwenye sekta hii. Ni kweli kwamba tunashuhudia kama siyo kusikia mara kwa mara jarida maarufu duniani lenye jukumu la kutusaidia kuchungulia akaunti za mastaa na watu maarufu la Forbes likitupa orodha ya vitita vya fedha wanavyomiliki wachezaji wakubwa wa dunia kama, Cristano Ronaldo na wengine. Sports teknolojia kama moja ya safu bora kuwahi kutokea inayounganisha michezo na teknolojia, inayo orodha ya wachezaji walioamua kukata shauri na kwenda kuwekeza kwenye eneo hili hivyo kujikuta wakitengeneza fedha nyingi bila kelele. Na hapa ndipo inapokuja tofauti kubwa kati ya midfield Hussein Masha (Simba) na Steven Gerald (Liverpool) licha ya ukwel

NA FARAJA MASINDE MJI wa Tokyo uliopo nchini Japan, unataraji kuwa mwandaaji wa michuano ya Olimpiki ya mwaka 2020 ambapo tayari harakati zimeanza ili kuhakikisha inavunja rekodi ya Brazil kwa kuweka mambo mapya. Ichukue hii kuwa Japan imeweka wazi mpango wake wa kutaka kutumia Smartphone za zamani na vifaa vya kielektroniki kwa ajili ya kuandaa medali zake kwenye michuano ya Olimpiki 2020. Licha ya kwamba bado kuna muda wa miaka minne mpaka kufanyika kwa michuano ya Olimpiki, lakini tayari taifa hilo limetangaza mpango huo kupitia jarida la Nikkei Asian Review. Taifa hilo la Japan ambalo limekuwa mstari wa mbele kwenye teknolojia ya juu ya uundaji wa magari, limeweka wazi mpango huo wa kutaka kuona simu hizo zikitumika tena 2020 mara baada ya kutupwa kama vifaa vibovu. Waandaaji wa michuano hiyo ya Olimpiki ambayo itafanyika mjini Tokyo wanatumaini kuwa vifaa hivyo vya zamani vitakuwa nyenzo mhimu katika kuandaa medali za dhahabu, fedha na shaba. Hizi ni kwa ajili ya washin

NA FARAJA MASINDE, KATIKA miaka hii ya karibuni teknolojia inaendelea kuchukua nafasi kubwa zaidi duniani katika kusukuma michezo na hili ndilo limekuwa moja ya maeneo yanayoongeza wafuasi wengi zaidi kwenye michezo mbalimbali. Ni kweli kuwa mapinduzi haya ya teknolojia yamefanya mambo mengi kwa sasa katika upande wa michezo kuendeshwa kisasa zaidi. Asilimia kubwa ya michezo mingi imekuwa ikionekana moja kwa moja kupitia televisheni na hata matangazo ya moja kwa moja kupitia redio, achilia mbali vipande vifupi vya video mbavyo vimekuwa vikisambazwa katika kuonyesha matukio muhimu ya mchezo husika. Leo hii tunashuhudia kuwa kupitia teknolojia mtu unao uwezo wa kupata matokeo na taarifa za papo kwa papo kupitia ‘application’ mbalimbali. Ni wazi kuwa eneo hili la teknolojia linazidi kipeleke mbali zaidi tasnia ya michezo na hata kuwavutia wengine ambao hawakuwa na lengo la kujihusisha na michezo hiyo. Tambua kuwa ni kukua kwa teknolojia huko ndiko kumefanya hata mtoto wa miak

Na FARAJA MASINDE, KUSOMA nje ya nchi mara nyingi kunampa mwanafunzi fursa adimu ya kujifunza mambo mbalimbali yanayoendelea duniani, hasa kwenye mataifa yaliyopiga hatua kubwa kiuchumi na kitaaluma. Hata hivyo, wengi wamekuwa wakishindwa kufikia ndoto zao hizo za kuchukua taaluma zao nje ya nchi kutokana na kushindwa kumudu gharama kubwa zinazotozwa na vyuo husika, jambo ambalo limekuwa likichangiwa pia na kuporomoka kwa thamani ya shilingi. Inaelezwa kuwa mara nyingi unapohitaji kusoma nje ya nchi basi huna budi kuhakikisha kuwa unaangalia gharama za masomo pamoja na zile za kumudu maisha ya nchi unayotaka kwenda kusoma. Hii ni sababu mojawapo inayobadili uamuzi wa wanafunzi kusoma nje ya nchi. Kwa mwaka huu wa 2016 kuna orodha ya miji ambayo ni rafiki kwa mwanafunzi kumudu gharama zake za maisha ikilinganishwa na miji mingine duniani. Kuala Lumpur, Malaysia Kwa kawaida wanafunzi wengi wanapokuwa wakisoma nje ya nchi kwenye mji fulani hupenda kuzunguka sehemu mbalimbali

Na FARAJA MASINDE, WATU wana akili nyingi mno siku hizi, hasa wadukuzi wa mitandaoni ambao ujuzi wao umekuwa ukiongezeka maradufu kulingana na teknolojia inavyobadilika. Najua kuwa wengi tunatumia simu, Laptop, kompyuta na vifaa vingine kwa ajili ya kufungua mafaili na tovuti mbalimbali duniani. Lakini je, umewahi kujiuliza kuwa unaweza kujikuta unaibiwa taarifa zako muhimu (data) iwapo tu utafungua baadhi ya tovuti bila ya wewe kujua? Kila siku tovuti mpya zinafunguliwa duniani tena zikiwa na maudhui mbalimbali yanayozitofautisha japo lengo ni moja tu kupasha habari na kutoa elimu kwa umma. Hata hivyo, kwenye tovuti hizo zinazoendelea kuongezeka, asilimia kubwa si salama ambapo unaweza kujikuta unapoteza taarifa zako muhimu pindi tu unapozifungua. Na hivyo kujikuta ukipoteza mambo yako mengi ya siri ambayo umekuwa ukiyahifadhi kwenye simu au kifaa chako chochote cha mawasiliano ambacho umekuwa ukikiamini daima. Hata hivyo, kama hukuwahi kujua na umekuwa ni miongoni mwa