JICHO LA TEKNOLOA: Ifahamu simu mpya ya iPhone XR

Leo tunaanza kwa kuiangazia kampuni ya utengenezaji vifaa vya kielektroniki ya Apple ambayo mwishoni mwa mwaka jana 2018 imeingiza sokoni simu kadha wa kadha ikiwamo iPhone XR ambayo ndiyo imepata nafasi ya kuangaziwa kwenye Jicho la Teknolojia.

 iPhone XR ni muendeleo wa kutoa bidhaa bora kwa wateja wa bidhaa za Apple walioko kote duninia.

Kwani kampuni hiyo imekuwa na sifa hiyo ya kutengeneza bidhaa zenye kuaminika zaidi hususan simu zake za iPhone.

Sifa kuu za iPhone XR

Kuna sababu nyingi za wewe kumiliki simu hii, kwanza kabisa ni teknolojia yake ya usalama yaani Face Id ambayo hii inakuwezesha kufungua simu yako kwa kutumia uso wako tu huku ikiwa na kamera maalumu ya kukutambua.

Hii inamaana kwamba mtu mwingine hawezi kufungua simu yako mbali na wewe jambo ambalo limeleta mapinduzi makubwa.

Lakini sifa kuu nyingine ni kwamba betri ya iPhone XR inakaa na chaji kwa saa 25 kama utakuwa ni mtu wa kuperuzi mtandaoni basi unaweza kutumia siku nzima bila kuhitaji kuchaji tena kwani itakuchukua saa 15.

Kama wewe unapendelea kutazama video mbalimbali basi itakulazimu kuchaji simu yako baada ya saa 16. Na kwa wewe unayependa kusikiliza muziki basi utasikiliza kwa muda wa saa 65 hili ni jambo la kuvutia zaidi huku ikija na teknolojia ya fast battery charging (yaani wireless chaging).

Hivyo kwa sifa hizo naamini kuwa hii ni simu suluhishi kwa wote mnaopenda kuperuzi mitandaoni na kucharaza muziki kwa muda mrefu bila kuishiwa chaji kwani hautakuwa na hofu na hili ni jambo la kupongezwa zaidi kwa Apple kwa kuleta simu hii bora kwani nguvu ya betri hii imeongezwa dakika 90 zaidi tofauti na matoleo yaliyopita.

Sifa nyingine ambayo hii imekuwa ni kivutio kwa wengi ni eneo la Kamera ambayo ni ya kisasa zaidi na inapiga picha kwa teknolojia ya hali ya juu kulinganisha na simu nyingine ikiwa pia na uwezo wa kuchukua video hadi za 4K au HD jambo ambalo limekuwa si rahisi kwa simu nyingin.

Simu hii inakuja ikiwa na matoleo matatu mbayo ni GB 64, 128 na 256 ambapo ukubwa wa kila simu unajitosheleza na hauhitaji kuongeza memory kadi.

Pia imekuja ikiwa na uwezo wa kuonyesha rangi milioni 16, mfumo wake wa uendeshaji ni iOs 12, mtandao ni 4G dhamana yake ni mwaka mmoja, inao uwezo wa kukaa ndani ya maji kwa zaidi ya dakika 30 bila kupata hitilafu (water proof) na kikubwa ni kuwa bidhaa zote za Apple haziingizi virus.

Unaipataje

Wenye mamlaka ya kusambaza bidhaa zote za Apple hapa nchini ni Elite Computers ambao wanapatikana Upanga mkabala na shule ya Msingi ya Olympio, Sea Cliff Village, Viva Towers iliyopo barabara ya Ali Hassan Mwinyi na Victoria Plaza (Samora) kwa Dar es Salaam na Mwanza Kenyatta Road usoni na NMB Bank au unaweza kuwasiliana nao kwa namba O786 176 700.

Wapo pia kwenye mitandao ya kijamii ambapo Facebook ni Elite Computers na Instagram ni Elite Computers Tanzania. Elite Computers mbali na simu pia wanabidhaa kama i Mac, Apple Tv, MacBook Pro, iPad, iPod maalumu kwa ajili ya muziki pia wanatoa huduma ya matengenezo kwa bidhaa zote.

Kosa simu zoote 2019 lakini siyo iPhone XR, kwani nisimu inayoendana na mazingira halisi ya kitanzania hususan suala zima la Chaji, hivyo watafute Elite Computers ili ukamate ya kwako sasa kwa mawasiliano hayo hapo juu.