Changamkieni uwanja huu mpige fedha

Na FARAJA MASINDE

DUNIANI kote klabu mbalimbali za soka zinachangamkia jukwaa la mitandao ya kijamii kwa ajili ya kuwafikia kwa haraka na kwa ukaribu zaidi mashabiki wao walioko kila pembe ya dunia.

Ni wazi kuwa klabu hizi, hususan za barani Ulaya zinafanikiwa kwa kiwango kikubwa kuiona fursa hii ya kiteknolojia inayoletwa na mitandao ya kijamii ili kuwasaidia kutengeneza mapato na kuongeza mashabiki.

Mifano mizuri kwenye hili ni pamoja na vilabu vikubwa kama, Arsenal, Chelsea, Bayern Munich, Barcelona, Real Madrid ambazo zimekuwa zikiitumia vilivyo mitandao ya kijamii katika kupata mafanikio.

Ukiacha klabu zenyewe kwa ujumla, lakini pia kumekuwa na mitandao binafsi ambayo imekuwa ikiingia mikataba na wachezaji binafsi ili kukuza thamani zao na wao pia kunufaika, jambo ambalo limechochea uzito wa majina ya baadhi ya mastaa.

Miongoni mwa tovuti hizo ni pamoja na ile ya Dugout.com, ambayo ina jumla ya wachezaji 150 duniani, wakiwamo Gareth Bale, Alexis Sanchez, Edinson Cavani, Joe Hart na Neymar JR.

Inafahamika kwamba, kwasasa si tu kwamba mashabiki wanahitaji kuona wachezaji wakiwa uwanjani, lakini pia hata kupata taarifa zao wakiwa nje ya uwanja ni jambo ambalo limekuwa likipendwa na mashabiki wengi wa soka duniani.

Kwani wamekuwa wakipenda kujua maisha ya mchezaji nje na ndani ya uwanja, ikiwamo pia mahojiano mbalimbali ya mchezaji ambayo mara nyingi yamekuwa yakipatikana kwenye tovuti ya klabu au hata kwenye ukurasa binafsi wa mchezaji mtandaoni.

Tukirejea nyumbani Bongo, bado utakuta ni Simba na Azam ambazo tovuti zake zipo hai, tofauti na klabu nyingine ambazo zina tovuti ‘jina’, kwani zimekuwa hazina taarifa zozote mpya na kufanya kudorora.

Kwani klabu inapokuwa na tovuti ambayo iko hai inakuwa ni rahisi hata kushawishi makampuni kuweza kutumia tovuti hizo, jambo ambalo linakuwa na manufaa kwa klabu husika.

Ukiacha hilo, lakini pia kwa mchezaji binafsi anaweza kunafaika kwa kutumia mitandao hii ya kijamii katika kuweka taarifa zake na mambo mengine amb