Huawei yapanua mlolongo wa Y-Series kwa simu za 4G nchini

Kampuni ya Huawei Tanzania wametangaza hivi punde kutanua mlolongo wake wa Y-Series kwa kuongeza simu mbili mpya za Huawei Y3II na Y5II. Simu hizo mbili za Y-Series zimekuja katika aina mbili nayo ni ya 3G na 4G zikiwalenga wateja wa soko la chini na kati. Simu hizi zimekua zikipatikana kwa watumiaji Tanzania tangu mapema mwezi Julai.

Huawei Y3II

Simu za 4G zina kasi ya hali ya juu ya intaneti kwa ajili ya kuperuzi, kutuma, kupokea na kupakua ujumbe, ikiongeza matumizi ya intaneti yasiyo na matatizo. Huawei Tanzania inayoongoza katika usambazaji wa simu za mkononi nchini Tanzania imewakumbuka kwa mara nyingine watu wa hali ya  chini kwa kuwaletea simu hizi zenye uwezo mkubwa wa internet.

“Upanuzi wa simu zetu za bei nafuu na zenye uwezo wa 4G nchini kote imeenda sambamba na msimamo wetu kuwapatia wateja wetu huduma zilizo bora na za kimataifa ambazo zitaruhusu watanzania wote kufurahia kasi ya 4G bila kujali kipato chao”, alisema Bi Jane Wang, Meneja masoko wa Huawei Tanzania.

“Huawei Y3II na Y5II zenye uwezo wa 4G zimekuja wakati muafaka na sahihi kwa sababu sasa naweza furahia kupakua nyaraka mbalimbali zinazonisaidia katika masomo yangu bila usumbufu” alisema Evangelister Isdory mwanafunzi mwaka wa pili katika moja ya vyuo vikubwa nchini Tanzania.

“Simu hii ya Huawei Y5II yenye uwezo wa 4G imerahisisha sana mawasiliano na wanafunzi wenzangu hapa chuo maana sasa tunaweza kuhamisha na kupakua nyaraka zenye ukubwa wowote kwa wanafunzi wenzangu au walimu bila usumbufu”, aliongezea.

Huawei Y3II na Huawei Y5II Zina prosesa iliyoboreshwa zaidi. Simu hizi zina RAM ya GB 1 na pia simu zote mbili zina kadi yenye ukubwa wa GB 8 ambayo inaweza kuongezeka hadi GB 32.

Y5II

Kamera ya megapixel 8 ya Y5II na megapixel 5 yaY3II za simu hizo zina uwezo mkubwa wa mwanga, kupiga picha katika mwanga mdogo, kutoa eneo uliopiga.

Simu zote zinakuja na kifaa kiitwacho Easy Key ambayo husaidia mtu kufika anapotaka kwenye simu hiyo  kwa urahisi zaidi. Y3II ina taa ya “upinde wa mvua” maarufu kama ‘Rainbow Light’ ambayo huwaka mtu anapopigiwa simu, kupokea ujumbe au kuarifiwa. Y5II ina kamera ya mbele yenye flash ambayo husaidia kupiga picha nzuri zaidi.

Y5II

Akizungumzia ubora wa kamera za simu hizo, Bibi Jane Wang, Meneja Masoko wa Huawei Tanzania alisema “Ni jambo la kusikitisha kupoteza vitu vya kipekee katika picha kwa sababu ya mwanga hafifu. Flash iliyopo katika simu ya Huawei Y5II na Y3II inafanya kazi kwa ubora katika mwanga mdogo. Simu hizi pia zina Easy Key ambayo hutoa urahisi wa kufanya kazi na kutumia simu hizo kwa kugusa tu”.

Pamoja na simu hizo mbili za Y-Series , Huawei Tanzania hivi karibuni wameleta simu nyingine katika soko la Tanzania ijulikanayo kama Huawei GR5mini. Simu yenye muundo mzuri wa aluminium yenye ubora mkubwa sana.

Huawei GR5mini ina uwezo wa LTE ili watumiaji wa GR5mini wapakue na kuangalia muvi bila wasiwasi wa nafasi maana ina GB 16.

Akiongelea jinsi GR5mini ilivyo kasi, salama na yenye ubora zaidi, Bi Wang, alisema “GR5mini ina kifaa cha kutambua alama ya vidole iliyoboreshwa mara 100 zaidi ya simu zile za mwanzo, ina RAM ya GB 2 ili kuwawezesha watumiaji kufurahia kutuma ujumbe muda wowote na betri yenye 3000mAh.” Katika nyakati hizi za simu za kisasa tunahitaji simu yenye bei nafuu, ubora na inayo dumu muda mrefu na kupatikana bila wasiwasi wa chaji kuisha katika mizunguko ya kila siku. Aliongeza Bibi Jane.

Kabla ya mwaka kuisha, Huawei imepanga kuwekeza katika upanuzi na kuboresha ubora wa vifaa pia kuongeza idadi ya maduka nchini kote. Kuingia kwa simu zilizo za bei nafuu za 4G kunadhihirisha uongozi wa Huawei katika ubunifu nchini Tanzania. Kwa sifa zilizopo katika simu zake zote, hakika Huawei inatoa ushindani mkubwa katika soko.