Majwega ni habari nyingine

WINGA Brian Majwega anatajwa na mashabiki wa Simba kwamba ndiye atakayemaliza kiu ya mashabiki hao katika klabu hiyo hasa kutokana na kiwango chake alichokionyesha mazoezini.

Nyota huyo kutoka Uganda juzi alifanya vitu adimu kwenye mazoezi ya timu hiyo yaliyofanyika Lamada Beach Resort jijini Dar es Salaam na kuwakuna mashabiki wengi wa timu hiyo.

 

Brian Majwega

Mazoezi hayo ya kujiandaa na mwendelezo wa Ligi Kuu Tanzania Bara, mbali na mashabiki, Majwega alimkosha Kocha Mkuu wa timu hiyo, Dylan Kerr, kutokana na kuonyesha kuwa na vitu vingi na muhimu.

Majwega anayedaiwa kusaini mkataba wa kuichezea Simba katika usajili dirisha dogo la Ligi Kuu Bara lililofunguliwa Novemba 15 mwaka huu baada ya kuwepo kwa mgogoro na klabu yake ya zamani ya Azam FC.

Majwega alionekana lulu kwa mashabiki wa Simba na Kerr aliyekuwa akimfuatilia kwa karibu zaidi katika mazoezi hayo.

Kerr alitumia muda mwingi kumfuatilia winga huyo kila hatua ambayo wachezaji wa timu hiyo walikuwa wakifanya mazoezi na mara kadhaa alionekana kumpa maelekezo Majwega juu ya mambo aliyokuwa akiyataka.

Katika mazoezi hayo yaliyochukua saa 2:30, Kerr alitumia muda mwingi kuwajengea pumzi kwa kuwakimbiza ufukweni na kuwajengea stamina pamoja na kukontroo mpira.

Chanzo Bingwa