Kabila Wamakua-2, Tohara ni lazima kwa kijana wa kimakua

KARIBU! Wiki hii tunaendelea kuangali kabila la wamakua kutoka mikoa ya kusini mwa Tanzania ambayo ni Mtwara na Lindi, licha ya ukweli kuwa kabira hili limetokea nchini Msumbiji.

Wiki hii bado tupo kwenye sula zima la dini ambapo tunaelezwa kuwa jamii ya wamakua  walikuwa na utamaduni wa kudhulu kwenye kaburi na baada ya kufika hapo huanza  kuita jina la (Mluki kimila) wakiwa na maana ya Mungu.

Jina ambalo hulitukuza, kitendo hicho hufanyika kwaajili ya kutoa heshima zao za mwisho kwa marehemu.

Kwani kwa kufanya hivyo wamakua waliamini kuwa mungu alikuwa akisikia kilio chao nakwamba, ilikuwa rahisi kuwasikiliza matatizo yao kutokana na yeye kuwa mtu pekee ambaye angeweza kutatua changamoto zao.

Nakwamba aliwaumba yeye na hivyo hakuwa na sababu ya kuwaona wakipata mateso na shida za maisha pasi kuwa sikiliza kilio na shida zao.

Wamakua walikuwa wakimkimbilia mungu kwa kile walichoamini kuwa ni mtu pekee aliyejitolea kulipa dhambi zao, na hivyo hawakuwa na namna nyingine zaidi ya kumpatia heshima.

Jambo kubwa kwa wamakua ilikua ni kudumisha amani na upendo hasa kwa kuabudu mungu ambaye walikuwa hawamuoni, kwani inadaiwa kuwa kabla ya kuwasili kwa waarabu na wazungu, jamii hii ya wamakua walikuwa wapagani na hawakujua kabisa juu ya uwepo wa mungu.

Hivyo walikuwa wakiabudu miti na sanamu kama kawaida, na baada ya kuwasili kwa wageni hao waliharibu utamaduni wa wamakuwa kwenye suala la kuabudu.

Tohara

Kwenye kabila hili jambo la kufanyiwa Tohara ni kitu cha lazima, pale kijana wa kiume anapotimiza miaka 12, ni lazima wazazi wake wahakikishe kuwa wanaandaa mkakati wa kijana wao kufanyiwa tohar.

Chifu mdogo julikanaye kama Mwene lazima afike kwa wazazi wa mtoto kwaajili ya kupanga ni kwamna gani na siku gani mtoto huyo atafanyiwa sherehe mara baada ya kufanyiwa tohara. Ambapo kwenye hilo huandaliwa wanaumme wawili huku mzazi mmoja akitakiwa kushuhudia zoezi hilo.

Baada ya mipango yote kuandaliwa na kukamilika, siku ya siku inapowadia wazazi hujenga nyumba ndogo kwaajili ya kijana anayefanyiwa tohara kupumzika.

Baada ya zoezi hilo kukamilika wazazi huandaa sherehe ya ngoma ambayo hii huwahusisha ndugu, jamaa na marafiki wa karibu wakiwamo majirani kwaajili ya kufurahia kitendo hicho cha mtoto wao, ambayo huchezwa usiku.

itaendelea...