kabila la Wamakua; Kila mmakua lazima awe mchamungu

WAMAKUA  ambao jina lao pia huandikwa (Wamakhuwa) ni kabila kubwa lenye idadi kubwa ya watu wanaoishi hasa nchini Msumbiji upande wa Kaskazini.

Lakini kwa hapa nyumbani Tanzania kuna Wamakua wanaoishi katika Mkoa wa Mtwara, Wilaya ya Masasi na Wilaya ya Nanyumbu.

Kabila hili kiuhalisia lina lugha za aina mbalimbali, lakini inayotumiwa na wamakua wa hapa nyumbani ni ile ya kimakhuwa-Meetto.

Wamakua

Inaelezwa kuwa jamii hii ilihamia nchini Tanzania kutoka nchini Ureno na Msumbiji, kabla ya waarabu hawajaingia kwenye nchi hiyo.

Wamakua ni miongoni mwa makabila ya kibantu ambao wanapatikana wilayani masasi na sehemu za Mnanje na Nanguruwe maeneo ya Newala mkoani Mtwara na Tunduru mkoani Ruvuma kusini mwa Tanzania. 

Suala la dini

Kila ukoo wa mmakua ni lazima uwe mcha mungu, ambapo jamii hii ilikusanyika chini ya mti ujulikanao kama Msoro na siyo mahali pengine popote.

Eneo hilo lilikuwa ni eneo la mti huo, ambalo kwa kawaida lilitakiwa kuwa safi muda wote, ambalo lilitumika kuomba amani.

Tunaelezwa kuwa kila siku asubuhi wamakua walikuwa wakikusanyika chini ya mti huo ‘Msoro’  kwaajili ya kumuomba mungu, kwa kuwalinda usiku mzima, huku pia wakiomba sala kwaajili ya ulinzi wa siku mpya, na baada ya tukio hilo walielekea kwenye mihangaiko yao ya siku.

Wakati jua linapozama jamii hii hukusanyika kwenye mti huo wa Msoro kwaajili ya kumshukuru mungu, kwa kuwalinda kutwa nzima na kisha kumuomba tena kwaajili ya ulinzi wa usiku, tukio linalohusisha watuwazima tu.

 

Hata hivyo, pamoja na mambo mengine lakini kulikuwa na sadaka ambayo hutolewa kwaajili ya kumshukuru mungu, hasa kabla ya msimu wa kupanda na kuvuna.

Lakini pia walimtolea sadaka mungu hasa pale panapotokea ugonjwa, sambamba na kunapotokea kipindi cha ukame.

Pindi linapotokea tukio la ukame watu wengi hutoa sadaka mbambali ambazo huja nazo kwenye mti wa Msoro au mti wa mungu.

Lakini kwenye jamii hii watu ambao hutoa sadaka huonekana watu mhimu zaidi ambao hujulikana kama ‘Mwene’ ikiwa na maana ya (machifu), wawindaji bora na wakulima bora na maarufu au wapiganaji wakuu.

 Usikose mwendelezo...