Twite nje ‘First 11’ Yanga SC

-
MBUYU Twite ameanza kuona chungu ya kugombana na Kocha Mkuu wa timu hiyo, Hans van der Pluijm baada ya jana kutupwa nje ya kikosi cha kwanza cha timu hiyo inayojiandaa kucheza na Ruvu Shooting leo katika mchezo wa Ligi Kuu Tanzania Bara kwenye Uwanja wa Taifa, Dar es Salaam.
http://www.igihe.com/IMG/jpg/mbuyu2.jpgMchezo huo utakuwa ni muhimu mno kwa Yanga kwani iwapo itashinda, itakuwa imejisogeza karibu zaidi na ubingwa wa ligi hiyo na itafikisha pointi 52, ikibakiza pointi tatu kutangaza ubingwa.
Azam ndiyo wanaoshika nafasi ya pili katika ligi hiyo wakiwa na pointi 42, wakiwa wamebakiza mechi nne na iwapo watashinda zote, watafikisha pointi 54.
Na kuelekea mchezo wa leo wa Yanga, kikosi hicho jana asubuhi kilifanya mazoezi kwenye Uwanja wa Karume, Dar es Salaam, ambapo Twite hakuwapo katika kikosi cha kwanza.
Kikosi hicho cha kwanza cha leo kiliundwa na kipa Ally Mustapha ‘Barthez’, Juma Abdul, Oscar Joshua, Rajab Zahir, Kelvin Yondani, Said Juma, Simon Msuva, Haruna Niyonzima, Amissi Tambwe, Kpah Sherman na Mrisho Ngassa.
Katika mazoezi hayo, Twite alikuwa upande wa wachezaji wa akiba sambamba na wachezaji wengine nyota kama Andrey Coutinho, Hussein Javu, Jerry Tegete na Salum Telela pamoja na Nadir Haroub ‘Cannavaro’ ambao ni majeruhi.
Zahir inaonekana leo ataanza katika beki ya kati pamoja
na Yondani baada ya Cannavaro kuumia katika mchezo wao Kombe la Shirikisho Afrika dhidi ya Etoile du Sahel wiki iliyopita.
Japo Pluijm hakuwa tayari kumzungumzia Twite, habari za ndani zinasema kuwa mchezaji huyo amemkera mno kocha huyo kutokana na kujibizana naye Jumanne ya wiki hii baada ya mchezo wao wa Ligi Kuu Bara dhidi ya Stand United kwenye Uwanja wa Taifa.
Pluijm baada ya mchezo huo alimfokea Twite kwa kuboronga na kuwawezesha wapinzani wao hao kupata mabao mawili, japo Wanajangwani hao walishinda 3-2.
Baada ya mchezo, Twite alikaririwa akielezea jinsi alivyokerwa na kocha huyo, akidai yupo tayari kuondoka Yanga iwapo klabu hiyo itaendelea kumlea kocha huyo.
Ni wazi kuwa kauli hiyo ya Twite itakuwa imezidi kuuchochea moto Jangwani juu ya majaliwa yake ndani ya kikosi hicho, ikizingatiwa Pluijm ametokea kuwa kipenzi cha watu wa Yanga.

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inabadilika na kupoteza mwel
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama
Endelea kusoma