Owino yuleee Yanga

George Owino

WAKATI mashabiki wa Simba wakiendelea kuugulia maumivu ya kuondokewa na mfungaji wao bora wa msimu uliopita, Amis Tambwe huenda wakalia zaidi baada ya Yanga kuwa kwenye mikakati mizito ya kumsajili beki la nguvu la timu hiyo Mganda, Joseph Owino. Owino anamaliza mkataba wake ligi itakapomalizika Mei mwaka huu ambapo taarifa za uhakika kutoka kwa kigogo mmoja wa Kamati ya Usajili ya Yanga zinaeleza kocha Mkuu wa Klabu hiyo, Hans Van de Pluijm anataka saini ya Owino ili kuimarisha safu yake ulinzi.Tangu kuwasili kwa kocha wa sasa wa Simba, Goran Kopunovic, Owino amekuwa akisugulishwa benchi na kusubiri

hadi aumie kati ya Jjuuko Murushid na Hassan Isihaka.Owino alikuwa miongoni mwa wachezaji wa kikosi cha kwanza cha Simba mwanzoni mwa msimu huu timu hiyo ilipokuwa chini ya kocha Patrick Phiri

kiasi cha kupewa unahodha.

Ujio wa kocha mpya wa timu hiyo Goran
Kopunovic ulimuengua kwenye nafasi hiyo na kupewa kinda Hassan Isihaka.

Taarifa hizo zinadai kuwa Yanga wanataka kumsajili Owino wakiamini kwamba atawasaidia katika michezo yao ya Klabu Bingwa barani Afrika mwakani pamoja na michezo ya Ligi Kuu akishirikiana na Nadir Haroub ‘Cannavaro’ pamoja na Kelvin Yondani.