Simba stamina asilimia 100%

-
Kocha wa Simba Goran Kopunovic
SIMBA imepata kiburi baada ya timu hiyo kuonyesha matumaini makubwa kufuatia stamina ya hali ya juu pamoja na soka safi iliyoanza kuonekana tangu ujio wa kocha Goran Kopunovic na kuifanya ionekane kuwa ni moto wa kuotea mbali.
Awali timu hiyo ilikuwa ikionekana dhaifu na kupata matokeo mabovu kutokana na kukosa stamina na pumzi ya kutosha, lakini sasa imekamilisha vitu hivyo kwa asilimia 100.
Simba ilikuwa ikicheza vizuri dakika 45 tu za kipindi cha kwanza, huku kipindi cha pili ikionekana kukosa stamina na pumzi, lakini sasa tatizo hilo linaonekana kumalizika ambapo kocha wake, Kopunovic atakuwa akitaka kuonyesha kuwa kikosi chake kimeiva kwenye mchezo wa leo dhidi Maafande wa Mgambo JKT, jijini Tanga.
Katika michezo yao ya hivi karibuni, Wekundu hao wa Msimbazi wameonekana kuhimili dakika zote 90 na kufanikiwa kuibuka na ushindi kiasi cha kujitengenezea mazingira mazuri ya kuaminika kwa mashabiki wake ambao awali walikuwa na wasiwasi inapofikia kipindi cha pili.
Wekundu hao wameonyesha kuiva tangu mchezo dhidi ya watani zao wa jadi, Yanga, uliomalizika kwa ushindi wa bao 1-0 lililofungwa na Emmanuel Okwi, ambapo walihimili dakika zote 90 kabla ya kufanya yao mwishoni mwa wiki iliyopita dhidi ya Mtibwa kwa kuichapa bao 1-0.
Tatizo la kukosa stamina na pumzi kwa wachezaji wa Simba limekuwa la muda mrefu, lakini sasa Kocha Mkuu wa kikosi hicho, Goran Kopunovic, amelifanyia kazi na kama wataendelea hivyo wanaweza wakaibuka na ushindi mwingine leo dhidi ya Mgambo JKT, katika Uwanja wa Mkwakwani.http://shaffihdauda.co.tz/wp-content/uploads/2015/02/IMG_0522.jpg
Simba wanataka kuendeleza wimbi la ushindi leo dhidi ya wenyeji wao, Mgambo JKT na kuwadhihirishia mashabiki wake kuwa hawakuwafunga Yanga na Mtibwa Sugar kwa bahati mbaya.
Katika mchezo wa leo, Simba watamtegemea zaidi mshambuliaji wao hatari, Mganda Emmanuel Okwi, ambaye amekuwa gumzo kubwa kutokana na aina ya mabao anayoyafunga, likiwamo alilofunga dhidi ya Yanga na lile dhidi ya Mtibwa Sugar.
Matokeo mazuri waliyoyapata katika michezo yao hiyo ya hivi karibuni yameweza kuwafanya wasimame kwenye nafasi ya tatu wakiwa na pointi 29 nyuma ya Azam na watani zao wa jadi, Yanga-dimba

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inabadilika na kupoteza mwel
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama
Endelea kusoma