Bao 5 za Yanga zazidi kuitesa FC Platinum

YANGA imeonekana kuitia mkosi FC Platinum ya Zimbabwe, baada ya timu hiyo kutoka sare ya mabao 2-2 na Dongo Sawmills katika mchezo wa Ligi Kuu ya nchi hiyo uliochezwa mwishoni mwa wiki iliyopita nchini humo.

Katika michezo mitano FC Platinum walikuwa hawajapoteza kabla ya kufungwa na Yanga mabao 5-1 katika mchezo wa kwanza wa raundi ya kwanza ya Kombe la Shirikisho barani Afrika hivi karibuni kwenye Uwanja wa Taifa, Dar es Salaam.

Wapinzani hao wa Yanga walikuwa na mwenendo mzuri katika ligi ya kwao, ikiwa iliichapa Chicken Inn mabao 2-0 Novemba 3, mwaka jana, kabla ya kuipiga bao 1-0 Hwange

Novemba 9, mwaka jana na baadaye kuendelea kutoa vipigo kwa kuifunga Chiredzi mabao 3-0 Novemba 23 mwaka jana.

Wazimbabwe hao waliwagekia Sofapaka ya Kenya na kuwafunga mabao 2-1 katika mchezo wa awali wa Kombe la Shirikisho Februari 15, mwaka huu, nchini Kenya.

FC Platinum walipata ushindi wa mabao 2-0 dhidi ya Sofapaka katika mchezo wa marudiano uliochezwa Machi mosi mwaka huu na kufanikiwa kuvuka hatua

iliyofuata ya michuano hiyo.

Hata hivyo, FC Platinum walipata kibano baada ya kufungwa na

Yanga mabao 5-1 katika mchezo uliochezwa Machi 15 mwaka

huu, kwenye Uwanja wa Taifa.

Timu hiyo kabla ya kurudiana na Yanga Aprili 3, mwaka huu wanatarajia kucheza na Caps United Jumamosi.

Kwa matokeo hayo, FC Platinum wanashika nafasi ya sita katika msimamo wa ligi hiyo, huku Dynamos wakiwa kileleni wakifuatiwa na ZPC Kariba.-Bingwa