…Tambwe ni habari nyingine Yanga

MSHAMBULIAJI wa Yanga, Mrundi Amissi Tambwe, ameonekana kulimaliza tatizo la ukosaji mabaokutokana na kufanya kweli kwenye mazoezi ya timu hiyo mjini Bagamoyo.

Kikosi cha Yanga kinachonolewa na Mholanzi, Hans van der Pluijm, kimehamishia kambi katika Chuo cha Uvuvi Mbegani, Bagamoyo kujiwinda na michezo yake kadhaa ya Ligi Kuu Tanzania Bara.

Yanga itashuka Uwanja wa Taifa, Dar es Salaam keshokutwa (Jumapili)kuwavaa Ndanda FC ya Mtwara kwenye mfululizo wa michezo ya Ligi Kuu Tanzania Bara.

Kwenye mazoezi ya timu hiyo yanayoendelea kwenye Uwanja wachuo hicho cha uvuvi, Tambwe ameonyesha kuwa na uchu wa kuzifumania nyavu baada kuonekana kuiva na kuzifuata vyema mbinu za Pluijm.

Siku za karibuni safu ya ushambuliaji ya timu hiyo ikiongozwa na Kpha Sherman,Danny Mrwanda,Tegete na Hussein Javu,imekosa umakini na kusababisha washambuliaji hao kukosa mabao ya wazi kwenye michezo kadhaa ya Ligi Kuu iliyokwishacheza.

Kutokana na hilo kocha Pluijm na wasaidizi wake, Charles Boniface Mkwasana Juma Pondamali muda wote wameonekana kulifungia kazi zoezi la ufungaji wakiwa mazoezini.

Pluijm ameonekana kuwapa mbinu mpya vijana wake kwakuwafundisha namna ya kupachika mabao,huku Tambwe akionekana kuwa kinara zaidi wa kuzielewa mbinu zake.

Pluijm kama kawaida yake aliwataka washambuliaji wake; Tambwe,Sherman,Hussein Javuna Tegete,kufunga mipira itakayotokana na krosi kutoka upande wa kulia na kushoto mwa uwanja kuwafunga makipa Deogratius Munishi‘Dida’ na Ally Mustapha ‘Barthez’.

Katika zoezihilo la upigaji krosi lililodumu kwa takribani dakika 30,Tambwe alionekana kinara zaidi wa kuunganisha krosi na kufunga mabao manne kutokana na mashuti makali ya mguu wakulia kumtungua kipa Barthez.

Tambwe alifunga mabao hayo kutokana nakrosi kutoka kwa winga, Simon Msuvana beki wa kushoto, Charles Edward ambao walipewa jukumu la kupiga krosi hizo.

Wakati Tambwe akifanya yake, wenzake Sherman,Tegete, Javu nao hawakuwa nyuma kwenye zoezi la kufunga kutokana namashuti nje ya 18.

Kwenye zoezi hilo, washambuliaji hao kila mmoja alifanya vyema zoezi hilo ambapo Sherman, Tegete na Javu kila mmoja alifunga mabao mawili, huku Mrwanda na Javu wakiambulia bao moja kutokana na mashuti matano.

Yanga imeendelea na mazoezi yake jana kwenye Uwanja wa Chuo cha Uvuvi Mbegani kujiandaa na mchezo wao wa Ligi Kuu Tanzania Bara dhidi ya Ndanda FC ya Mtwara utakaopigwa Jumapili kwenye Uwanja wa Taifa.-Bingwa