Diwani alalamikia harufi za maiti kituo cha afya

DIWANI wa Kata ya Bulungwa mkoani Shnyanga, Joseph Masaluta,     ameilalamikia Halmashauri ya Wilaya ya Ushetu kwa   kujenga kituo cha afya katika kata hiyo  bila kuwapo  chumba cha kuhifadhia maiti.

Alisema ndani ya kituo hicho kumekuwapo   harufi kali kutokana na wagonjwa wanaofariki dunia kutunzwa kwenye vitanda  wanakolazwa.


Malalamiko hayo aliyatoa juzi kwenye kikao cha baraza la madiwani cha halmshauri ya Ushetu kilichokuwa kikipitia bajeti na mpango wa maendeleo wa halmashauri hiyo.

Alisema kutokuwapo   sehemu ya kufidahia maiti katika kituo imekuwa ni kero kwa wananchi wa kata hiyo.

“Huwezi kujua marehemu ni nani na aliyelazwa ni nani kwa kuwa vitanda vimeongozana hali ambayo hata mtu akifa na  ndugu yake kuchelewa kuchukua mwili  inakuwa ni shida kwa wale walio jirani.  Tumechoka na harufi katika kituo hicho.

“Tunaiomba Halmashauri ya Ushetu kuhakikisha inajenga chumba cha kuhifadhi maiti  wananchi waepuke adha wanapokwenda kupata huduma,” alisema.

Mkurugenzi wa Halmashauri ya Ushetu,  Isabela Chilumba,  alisema    halmashauri    inatarajia kutenga fedha kwa ajili ujenzi wa chumba hicho.-Mtanzania