Binti achinjwa na kunyofolewa sehemu za siri

MKAZI wa Kijiji cha Ilalangulu, Kata ya Kibaoni wilayani Mlele, Elizabeth Richard (16), amechinjwa na kukatwa titi lake la kushoto na mikono yake kisha akanyofolewa sehemu zake za siri. Kamanda wa Polisi wa Mkoa wa Katavi, Dhahiri Kidavashari Akzungumza mjini hapa jana, Kamanda wa Polisi wa Mkoa wa Katavi, Dhahiri Kidavashari, alisema mauaji hayo yalitokea juzi saa nane mchana kijijini hapo. Alisema siku ya tukio binti huyo akiwa na  mumewe aitwaye Hevinie Kagembe  waliondoka nyumbani kwao asubuhi kwenda shamba katika maeneo ya Kazaroho. Ilipofikia saa kumi jioni, Kagambe, alirudi nyumbani kwake lakini hakumkuta mkewe  kama ilivyo kawaida yao licha ya kutangulia kurudi nyumbani kwa ajili ya kuandaa chakula. Alisema ilipofika saa mbili usiku Kagambe alipata shaka kuona hadi wakati huo mkewe hajarudi nyumbani wakati si kawaida yake. “Baada ya kuona hivyo alimpigia simu mkwewe aliyekuwa akiishi kijijini hapo  ili kutaka kujua kama mkewe yuko kwake lakini alijibiwa hayupo. “Baada ya majibu hayo ndipo juhudi za  kumtafuta  ziliendelea  kwa taarifa kutolewa  kwa uongozi wa Serikali ya Kijiji hicho  ambao walianza jitihada za kumtafuta kwa kushirikiana na wananchi,” alisema Dhahiri. Alisema siku iliyofuata saa mbili asubuhi mtu mmoja alipita shambani kwa Kagambe na kuuona mwili wa binti huyo ukiwa kando kando ya shamba lake. Alisema baada ya kuuona mwili wa binti huyo, raia huyo alienda kutoa taarifa kwa polisi katika Kituo cha Kibaoni kuwa kuna mwili wa umeuona  ukiwa kandokando ya shamba ukiwa umefunikwa. Alisema baada ya taarifa kuwafikia walikwenda eneo hilo huku wakiwa na viongozi wa Kijiji cha Ilalangulu na ndugu wa marehemu walipofika walikutwa binti huyo akiwa amechinjwa na kichwani akiwa amekatwa mapanga na ubongo wake ukiwa umetoka nje  na sehemu zake za siri zikinyofolewa. Alisema walifanya uchunguzi katika eneo hilo  ndipo walipoweza  kubaini  kuwa jirani na eneo walilomkuta marehemu  kunadalili za  kuchimbwa   na kufukiwa kitu kwenye eneo hilo Alisema walipoamua kufukua eneo hilo na kufukua ndipo walikuta viungo vya mwili wa binti huyo na nguo zake zikiwa ndani ya shimo  huku sehemu zake za siri hazikupatikana katika eneo hilo. Alisema kwa kushirikiana na uongozi wa kijiji hicho wanaendelea  na msako mkali  katika maeneo  mbalimbali ili kuwakamata wote waliohusika katika mauaji hayo.-Mtanzania