Azam FC yatimuliwa Uganda

-
SHIRIKISHO la Soka la Uganda (FUFA), limeizuia klabu ya Azam FC kucheza mechi za kirafiki nchini humo kutokana na kutokuwa na taarifa ya Shirikisho la Soka Tanzania (TFF).
Azam ipo ziarani Uganda kwa ajili ya kambi ya wiki mbili ikilenga kucheza mechi za kirafiki za kujipima nguvu dhidi ya timu mbalimbali za nchi hiyo.http://www.fullshangweblog.com/wp-content/uploads/2013/12/AzamFC.jpg

Tayari kikosi cha Wanalambalamba hao kimecheza mchezo mmoja wa kirafiki kati ya minne iliyopanga kucheza dhidi ya SC Villa ambapo ilidunguliwa mabao 3-2.
Pia ilipangwa kujipima dhidi ya timu za KCCA FC, Viper na URA kabla ya kurejea nchini kuendelea na Ligi Kuu.

Msemaji wa FUFA, Ahmed Hussein alisema: “Hatujapata taarifa yoyote kutoka TFF kama kutakuwa na mechi zozote za Azam, hivyo tumeamua kuizuia hadi hapo watakapotutaarifu,” alisema Hussein.
Katibu Mkuu wa TFF, Selestine Mwesigwa alipoulizwa kuhusiana na taarifa hiyo ya FUFA alikana kuwa na taarifa za safari ya Azam kwenda Uganda.
 “Utaratibu ni kwamba timu yoyote inapokwenda kuweka kambi nchi nyingine ni lazima itoe taarifa kwa chama cha soka mkoani kwake, Shirikisho la soka la nchi yake na ndipo habari hizo zifike Shirikisho la Soka Afrika (CAF), alafu ziwafike shirikisho la nchi wanayoenda ingawa ukanda huu wa Afrika Mashariki imekuwa inachukuliwa kawaida.

“Kifupi hatujapata ujumbe huo kutoka FUFA, lakini tutajitahidi kuwasiliana na Azam ili kujua namna ya kuwasaidia,” alisema Mwesigwa.
Naye Ofisa Habari wa Azam FC, Jafari Idd ambaye ameambatana na timu hiyo Uganda, alisema wao pia hawajapewa taarifa za kusitishwa kwa mechi hizo na  tayari wameshacheza mchezo mmoja huku wakijiandaa kuikabili KCCA kesho Jumatano.-Hisani ya Bingwa

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inabadilika na kupoteza mwel
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama
Endelea kusoma