Phiri: Sserunkuma ni mashine

-

Kocha wa Simba Mzambia Patrick Phiri amesema mshambuliaji mpya wa Simba, Mganda Daniel Sserunkuma, ni mashine na kwamba ataisaidia mno timu hiyo kuipachikia mabao katika mechi za Ligi Kuu ya Vodacom Tanzania Bara.

http://www.newvision.co.ug/newvision_cms/gall_content/2014/10/2014_10$largeimg206_Oct_2014_183949220.jpg
Daniel Sserunkuma,
Sserunkuma tayari amemalizana na Simba baada ya kufanya mazungumzo na uongozi wa klabu hiyo na kusaini mkataba wa miaka miwili.

Phiri alisema amemfuatilia Sserunkuma katika mechi alizocheza akiwa na timu ya Taifa ya Uganda ‘The Cranes’ na kubaini ni mshambuliaji wa maana ambaye atawasaidia.

Phiri alisema ameangalia video na mechi mbalimbali alizocheza Sserunkuma akiwa na The Cranes pamoja na zile za Ligi Kuu Kenya akiwa na klabu ya Gor Mahia na kubaini Mganda huyo ni moto wa kuotea mbali.



Alisema anaamini iwapo watafanikiwa kummiliki mshambuliaji huyo, Simba haitakamatika katika mechi zilizobaki za Ligi Kuu Bara.

“Daniel ni mchezaji mzuri, nimemfuatilia akiwa katika timu yake ya Taifa na hata akiwa Gor Mahia kule Kenya, huyu ni mshambuliaji aliyekamilika… naamini atatusaidia sana,” alisema.

http://www.ippmedia.com/media/picture/large/Phirifour(1).jpg
Patrick Phiri
Sserunkuma alijiunga na Gor Mahia katikati ya msimu wa 2012, akitokea Nairobi City Stars ambapo katika msimu wake wa kwanza na timu hiyo, alifunga mabao 16 katika Ligi Kuu Kenya na kuiwezesha kutetea ubingwa wao wa ligi hiyo.



Katika hatua nyingine, Mzambia huyo, amesema ameanza maandalizi kabambe kuhakikisha wanashinda mechi ya Nani Mtani Jembe 2 dhidi ya watani wao wa jadi, Yanga, itakayochezwa Desemba 13, mwaka huu, kwenye Uwanja wa Taifa, Dar es Salaam.

Alisema baada ya Yanga kushindwa kuwafunga katika mechi ya kwanza ya Ligi Kuu Bara iliyochezwa Oktoba 18, mwaka huu kwa kutoka suluhu, watawashikisha adabu watani wao hao kwenye mechi hiyo ya Nani Mtani Jembe.

Phiri alisema wameanza kujipanga kwa mazoezi makali ya viungo katika klabu ya mazoezi (gym) ya Chang’ombe, Dar es Salaam kwa ajili ya kuwajengea nguvu ya mwili wachezaji wake.

“Mechi inayokuja dhidi yetu na Yanga hakuna droo tena, Simba ni timu kubwa tunahitaji kushinda,” alisema Phiri.

Katika mikakati hiyo, amepanga kucheza mechi mbili za kirafiki baada ya wachezaji kuingia kambini kuanzia wiki ijayo.-bingwa


Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inabadilika na kupoteza mwel
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama
Endelea kusoma