Maximo amtaka Traore wa El Merreikh

KOCHA wa Yanga, Mbrazil Marcio Maximo, ameutaka uongozi wa klabu hiyo kufanya kila linalowezekana kumsajili mshambuliaji raia wa Mali, Mohamed Traore, anayekipiga katika klabu ya El Merreikh ya Sudan.

Traore ametokea kuzivutia klabu kadhaa ambazo zinaiwania saini yake, ikiwamo Azam ya Tanzania inayodaiwa kuanza mazungumzo naye.

Mohamed Traore

Habari kutoka ndani ya uongozi wa Yanga, zinasema kuwa Maximo anamtaka mshambuliaji huyo ili kuziba nafasi ya Mbrazil mwenzake, Geilson Santos ‘Jaja’ aliyejiengua kutokana na kile alichodai kukabiliwa na matatizo ya kifamilia.

Japo Maximo ametua nchini na Emerson Oliveira Neves Rogue, bado atakuwa akihitaji mshambuliaji mahiri wa kati kwani Mbrazil huyo ni kiungo.

Pamoja na kiu yake ya kumnasa Traore, bado Maximo hana uhakika wa hilo kwani mshambuliaji huyo analipwa fedha nyingi mno na El Merreikh hivyo Yanga watatakiwa ‘kuvunja benki’ kumng’oa katika klabu hiyo ya Sudan.

“Kocha amesema anamtaka Traore, sijui itakuwaje kwani kama unavyofahamu, Azam nao wanamtaka, ngoja tusubiri kuona nani atakayeibuka kidedea,”

Imeelezwa kuwa iwapo Traore atatua Yanga, klabu hiyo itamfyeka mchezaji mmoja wa kigeni kati ya Mnyarwanda Haruna Niyonzima na Mganda Hamis Kiiza.

Traore imeelezwa kwa sasa analipwa dola za Marekani 180,000 (Sh milioni 300) kwa mwaka na El Merreikh mbali ya mshahara wa Dola za Marekani 10,000 (Sh milioni 17,000).

Pamoja na kulipwa dau hilo, imeelezwa Traore amechoshwa na maisha ndani ya klabu hiyo na kwamba yupo tayari kuichezea timu yoyote