KWANINI HUFANIKIWI

Endelea na kupata elimu huru bila malipo hapa baada ya kuangalia hatua mbili wiki iliyopita leo tunaendelea hapa.

3.UTOAJI

Tunashidwa kufanikiwa kwasababu bado hatujajua nini maana ya utoaji,katika jambo ambalo linaonekana ni kawaida kwa baadhi ya watu ni kutoa,pasipo kujua katika kutoa kuna kitu ambacho kipo kimejifisha ambacho ndipo mafanikio yetu yalipo,utoaji  wa mazoea kwa sisi watu ndipo tatizo lilipo.

Mtu anatoa pasipo kujua anatoa kwa kwa minajili ipi, na katika kutoa kuna utoaji wa aina nyingi ambapo sidhani kama wote tutakuwa tunafahamu, je ?ni pesa pekee ndio utoaji? leo nataka kukupa aina nyingine kabisa za kutoa mbali na hiyo tuliyo izoea.

Kutoa muda kwa ajili ya kufanikisha jambo Fulani muhimu,kutoa elimu uliyonayo kwa ajili ya kuisaidia jamii,kutumia vipaji vyetu kama sanaa ya uigizaji,uimbaji,uchoraji na sanaa zingine ambazo zinalenga kubadilisha mtazamo kwa jamii kwa mtazamo chanya,hata kutoa njia ambazo zimekuwezesha wewe kufanikiwa napo pia ni utoaji,kwa kifupi hizo ndio aina za utoaji kama ulikuwa hujafahamu bado.

Haijalishi unatoa kikubwa kiasi gani lakini kama bado hujajua kanuni za utoaji bado hautakuwa umefanya jambo badala yake utakuwa ukiongeza matatizo,tunapotoa tujifunze kujisemea kwa natoa ili iweje na sadaka yako hiyo unahitaji mungu atufanyie kitu gani,kwa kufanya hivyo hakika tutafungua milango ya mafanikio yetu.

4.KUTOKUWA NA MFANO WA MTU UNAYE TAKA KUWA KAMA YEYE[ROLE MODAL].

Unajua tulio wengi bado hatuoni nini maana ya kuwa na mtu unayetaka kuwa kama yeye katika sehemu wewe ulipo na hichi ndicho kinatufanya kutofanikiwa maisha.

Hakuna kitu cha muhimu kama kuwa na mfano wa mtu unayetaka kuwa,unajua ni kwasababu gani? Kwanza endapo utakuwa ukimtazama atakuwa anakutia hamasa ya wewe kufanikiwa kupitia kazi zake ambazo anakuwa akizifanya,iwe ni katika biashara,sanaa au sehemu yoyote ambayo yeye amefanikiwa kupitia hapo.

Wakati nikiwa mdogo nilikuwa nikisoma vitabu vya waandishi mbalimbali ambao walikuwa wakiandika kuhusu jambo la kuwa na mfano wa mtu ambaye unataka kuwa kama yeye,binafsi sikuwa na elewa alikuwa anamaanisha nini lakini sasa nimejua nini maana ya kuwa role modal nami nataka nikujuze kidogo.

Inakujengea uwezo wa kufanya kitu kama yeye alivyofanya japo haitakuwa kivile lakini utaonesha kitu ambacho kupitia yeye utakuwa unaweza kufanikiwa.

Mimi binafsi mtu ambaye natamani kuwa kama yeye katika uandishi ni mtummoja anaye itwa Erick Shigongo sio siri ni mtu ambaye naweza kusema ninafata nyayo zake na ipo siku naamini namimi nitapata kujulikana kupitia nyayo za Erick Shigongo,hongera kaka kwa kunifanya nipende kazi zako,japo usikasilike endapo nitakuzidi.

Jamani tujifunze kuishi na mfano wa mtu unayetaka kuwa,tusiishi kwa mazoea,usiishi wewe kama wewe,naomba niileweke baada ya kuzungumza haya wapo ndugu zangu wengine watafikiri hata kumuiga mtu ambaye anafanya vitendo viovu napo utafanikiwa laahasha sanasana utaambulia kwenda jela au kupoteza maisha kabisa,tufate vitu ambavyo vinaweza kutuletea maendeleo tu na sio vingenevyo.

5.KURIDHIKA NA HALI ULIO NAYO.

Katika hili wapo wengi watajiuliza,hee huyu jamaa vipi,wakati tunaambiwa na vitabu vya dini kuwa turidhike na tulivyo navyo? Sasa mimi leo nitakwenda kinyume na maandiko hayo,sio kwamba na dharau neno la mungu hapana,ila nikatika kuwekana sawa kifkra.

Wenda usemi huu ndio unaofanya sisi tushidwe kufanikiwa unajua ni kwasababu gani? Ni kwasababu watu wanashidwa kufikiria hatua za mbele zaidi kimaendeleo na badala yake uzembe ujitokeza hatimaye kuukaribisha umasikini.

Mimi waga najiuliza kwamba,hivi kwanini hawa wafanyabiashara wakubwa wanazidi kuleta bidhaa mpya sokoni kila uchwao badala ya kuridhika na mamilioni walionayo, kwanini wasilale tu wakala maisha?

Lakini nikaja kukundua jambo ambalo hawa jamaa hulifanya,unajua ni kitu gani?  Hawa jamaa huogopa sana kufirisika,pamoja na ushindani sokoni ndio unaowafanya wasilale wabaki wakifikiri jinsi ya kufanya bidhaa yake kuwa bora zaidi kuliko mwingine.

Na ndio maana huona wakizidi kuongezeka siku hadi siku,leo sisi tunapata elfu kumi kwa siku tunasema turidhike na tulicho kipata badala ya kuumia na kuona uchungu na kufikiria jinsi ya kuongeza zaidi,tuna sema turidhike natukipatacho,ipo haja ya kubadilika sasa na kuwa kama hawa jamaa.

Nadhani kukosekana kwa ushindani baina yetu katika kufanya kazi ndio chanzo cha sisi kuridhika na tunacho kipata na hivyo kuzidi kujididimiza katika janga la umasikini.

Inashangaza sana kuona mtu anaishi kwa mjomba,au kwa ndugu yoyote halafu anaridhika na maisha yapale nyumbani, hili lipo sana kwetu sisi vijana ambao ndio tunapitia sana katika maisha ya kukaa kwa ndugu pindi tukiwa tunasoma.

Mimi nadhani tuanze kuona aibu sasa,badala ya kukaa na kuridhika na maisha ya hapo nyumbani tuamke na kuanza kutafuta vitu vyetu na kuona hapo ulipo si pako.

Binafsi huwa Napata shida sana hasa ninapokuwa naishi na kwa ndugu,huwa najiona hapa nilipo sio kwetu wala kwangu,nguvu Fulani huniijia ya kupambana na maisha ili namie nipate kuwa na kwangu,sehemu ambayo nitalala na nitajisikia amani,hivi unapo kuwa ukiishi kwa mtu utakuwa na amani kweli? Hata kama unaishi vizuri lazima tu amani yako ipungue kwa asilimia Fulani.

Tunapaswa kubadilika na kutoridhika na hali ulionayo ili uweze kupata nguvu ya kuweza kupambana na maisha na hatimaye tuweze kufikia ndoto na malengo tuliyojiwekea katika maisha,yapo mengi yanayo kwamisha  mafanikio yetu lakini kwa haya machache nina imani utakuwa umejifunza kitu ambacho kitakuwa msaada katika maisha yako,Hakuna kitu kitakacho fanikiwa bila ya kumuomba mungu,mungu kwanza halafu mimi halafu wewe tutafanikiwa.

KUSOMA.

Hili ni jambo ambalo watanzania wengi hushidwa kulifanya pasipo kujua kuna umuhimu gani katika kusoma maandiko,leo hii mtu yupo radhi kushinda disko hata siku nzima akicheza muziki lakini ukimpatia kitabu hata cha hadithi achilia mbali vitabu vingine ambavyo najua ataishia kutazama picha ya juu tu na kuondoka zake hata kama akisoma basi ataishia ukurasa wa tano lazima tu, utamuona anasinzia.

Kuna Mwalimu wetu mmoja wa dini alikuwa akitufundisha katika vipindi vya shule ya jumapili au inavyojulikana kama[ Sunday school] namkumbuka kwa jina aliitwa Mwinjiristi Jackson,huyu mwalimu bwana alikuwa akituambia kwamba,kabla hatujaanza kusoma Biblia ni lazima tuombe kwanza kwasababu shetani huwapiga watu na pepo la usingizi na hivyo kushidwa kusoma neno ambalo mungu amepata kunena kupitia biblia ili liweze kuwa msaada katika maisha yetu.

Nadhani pepo hili ndilo linalotushambulia kututesa Watanzania tulio wengi tushidwe kusoma vitabu ambapo mimi naamini kupitia vitabu tunaweza kufanikiwa kupitia maandiko yanayo andikwa na wataaramu mbalimbali duniani.

Mwaka jana niliweza kufanya uchunguzi mdogo nikishirikiana na marafiki zangu wa karibu kwa lengo la kutaka kujua ni marika gani yanayo ongoza kwa usomaji wa vitabu, naomba kuwataja marafiki zangu hao kwa sababu ya mchango wao mkubwa walio uonesha,Tumaini na Grace mungu awabariki sana.

Katika utafiti wetu tulioufanya tuliweza kubaini kuwa asilimia 70 ya watu wanaoongoza kwa usomaji wa vitabu ni wazee na asilimia 30 ni vijana,kwa kweli inashangaza sana kuona vijana tunakuwa nyuma kiasi hiki ambapo Dunia inatutegemea katika Nyanja mbalimbali za kimaendeleo.

Lakini hata kama tunakwepa gharama za ununuaji wa vitabu bado vijana tuna fursa nyingi za kuweza kusoma vitabu na tukaweza kuongeza uwezo wa kujitambua zaidi.

Hivi sasa Teknolojia inaendelea kukua siku hadi siku sasa unaweza kuona kila kitu kinacho endelea duniani kwa kupitia simu za mkononi za kijitali,komputa na vifaa vingine vyenye uwezo wa intanenti,kupia kwa vifaa vivyo tunaweza kusoma vitabu na tukaongeza mbinu ambazo zinaweza kutusaidia katika kukabiliana na changamoto mbalimbali za kimaisha,swali je? sisi vijana tekonojia hii tunaitumia ipaswavyo?au ndio tunaitumia kwa kurushiana picha za utupu tu,jibu utakuwa nalo kaa chini utafakari kasha chukua hatua.