Yanga yawashika pabaya simba kwa okwi

-
MSHAMBULIAJI hatari wa Simba, Emmanuel Okwi, amefichwa katika moja ya hoteli za kifahari jijini Dar es Salaam, huku Yanga wakitajwa kuhusika na hatua hiyo.
Tukio hilo limekuja zikiwa ni siku chache kabla ya Simba kuvaana na Yanga katika mchezo wa Ligi Kuu Tanzania Bara utakaopigwa Uwanja wa Taifa, Dar es Salaam Jumapili hii.
Sababu za Yanga kuhusika na kufichwa kwa Okwi, zinatokana na undugu baina yao, kwani alishawahi kufanya kazi Jangwani, lakini pia akitajwa kuwa na uhusiano mzuri na baadhi ya wanachama na matajiri wa klabu hiyo.https://blogger.googleusercontent.com/img/b/R29vZ2xl/AVvXsEimtwnKmTN_MnUpbaxbe91IqUhkr5GfrvcoyFCC3p8rc1YjzK8-pNQV6ivJoEGgsf-1N5CMAJ1tpU6zRf_zvinraa6PdzokFON_c3_Vma-rzi6jlV4rg4IHLZYsAftFZPVtRaIMqPtnYSI/s1600/_HMB7076.JPG
Ni kutokana na kufahamu hilo, uongozi wa Simba juzi ulifanya uamuzi wa ghafla kwa kuwapeleka katika hoteli maalumu Okwi na wachezaji wenzake wa Uganda, Danny Sserunkuma na Jjuuko Murushid, ili kuvuruga mawasiliano yoyote yanayoweza kufanywa baina ya Yanga na Okwi.
Uongozi wa Simba unafahamu kuwa iwapo Yanga watapata fursa ya kukutana na Okwi, wanaweza kumrubuni ili kucheza chini ya kiwango au kuwasaidia kwa njia yoyote ile kuepuka kipigo siku hiyo.
Mmoja wa kiongozi kutoka ndani ya klabu hiyo, alilipasha BINGWA kuwa uamuzi wa kuwaficha wachezaji hao umekuja mara baada ya kumalizika kwa mechi yao dhidi ya Tanzania Prisons.
“Tunajua fitna za wapinzani wetu, Yanga, ndio sababu ya kuamua uamuzi huu wa kuwaweka wachezaji hao kwenye hoteli ya pamoja ili kuepuka hujuma,” alisema.
Chanzo hicho kilisema kikosi cha timu hiyo kimeondoka asubuhi kuelekea Zanzibar kwa ajili ya kambi ya kusubiri mechi hiyo inayosubiriwa na mashabiki mbalimbali.
BINGWA lilimtafuta Katibu wa Simba, Stephano Ali kuzungumzia kambi hiyo ya Zanzibar na kusema kikosi hicho kimeondoka na wachezaji wote, kasoro Simon Sserunkuma aliyekuwa nchini Uganda kwa matatizo ya kifamilia.
Alisema kikosi hicho kimeondoka na Kocha Msaidizi, Suleimani Matola, huku kocha mkuu, Kopunovic akiomba kupumzika kwa siku mbili jijini Dar es Salaam kabla ya kuungana na wachezaji wake.
“Timu imeondoka saa 6:00 wakati mkutano mkuu ukiendelea na imeondoka na Matola, huku Kocha Mkuu akitarajiwa kuungana na timu yake keshokutwa,” alisema.
Simba inashika nafasi ya nne kwenye msimamo wa ligi hiyo ikiwa na pointi 24, baada ya kushuka dimbani mara 16, wakati Yanga wakiwa kileleni na pointi zao 31 kutokana na mechi 15.-bingwa

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inab...
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa...
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama...
Endelea kusoma