Pluijm aibua mapya Yanga

-
KOCHA Mkuu wa Yanga, Hans van der Pluijm, ameutaka uongozi wa klabu hiyo kusaka mikanda ya video za wapinzani wao wajao katika michuano ya Kombe la Shirikisho Afrika, FC Platnum ya Zimbabwe.
Yanga Ijumaa iliyopita ilitinga raundi ya kwanza ya michuano hiyo baada ya kuitoa BDF XI ya Botswana katika raundi ya awali kwa ushindi wa jumla wa mabao 3-2.http://api.ning.com/files/qB*eEYpVu7NddqdvVkVHx-dEcToHd*l9wI8uWULRac-eoJK21BYyRSETIj6Z8pNn8ip4Lsru7vO3bIPDRl05jTGtAwkNAV7b/PLUIJMKITAMBI.jpg?width=650
Katika mchezo wa kwanza uliofanyika kwenye Uwanja wa Taifa, Dar es Salaam, Yanga walishinda mabao 2-0 kabla ya kulala kwa mabao 2-1 ugenini Ijumaa iliyopita.
Katika raundi inayofuata, Yanga watakutana na FC Platnum iliyoitoa Sofapaka ya Kenya.
Kwa kufahamu ugumu wa mchezo huo, Pluijm ameanza kujipanga mapema kuhakikisha anawatoa Wazimbabwe hao na kusonga mbele, hicho kikiwa ndicho kipaumbele chake, kuhakikisha Yanga inafanya kweli katika soka la kimataifa.
Akizungumza na BINGWA jana kabla ya safari ya kurejea nchini Tanzania, Pluijm alisema akipata mikanda ya kama 10 ya wapinzani wake wajao, hatakuwa na sababu ya kushindwa kuwatoa kwenye michuano hiyo.
“Nataka kuwasoma zaidi kuona ni vipi ninaweza kuwaandaa wachezaji wangu kupambana nao, sina wasiwasi na timu yangu, kwa sasa imeiva na mchezo wetu wa juzi (Ijumaa) wa ugenini, umetusaidia sana kwani wachezaji wangu wamejifunza mambo mengi, ikiwamo kukabiliana na wapinzani ugenini,” alisema Mholanzi huyo.
Kikosi cha Yanga kinatarajiwa kutua nchini leo kutoka Botswana na kwamba baada ya kuwasili Uwanja wa Ndege wa Kimataifa wa Julius Nyerere, kitakwenda moja kwa moja Bagamoyo kujichimbia kuiwinda Simba katika mchezo wa Ligi Kuu Tanzania Bara utakaopigwa wikiendi hii.
Mchezo huo dhidi ya Simba unatarajiwa kuwa na msisimkoa wa aina yake kwani timu zote mbili zimeonekana kupania kutoka uwanjani na ushindi.
Kwa upande wao, Simba walitarajiwa kuondoka Dar es Salaam jana kwenda kuweka kambi Zanzibar, kama sehemu ya maandalizi ya kuwaangamiza Yanga.
Katika mzimamo wa ligi hiyo, Yanga wapo kileleni na pointi zao 31, wakati Simba inashika nafasi ya tatu kwa pointi 24, ikiwa imecheza mechi moja zaidi ya watani wao hao wa jadi. -bingwa

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inab...
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa...
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama...
Endelea kusoma