Ngassa alamba dume TP Mazembe

-
MABAO sita aliyofunga msimu uliopita katika michuano ya Ligi ya Mabingwa Afrika na matatu ya Kombe la Shirikisho msimu huu, yamemsafishia njia Mrisho Ngassa kutua TP Mazembe ya DRC, ikiwa ni kutokana na mpango unaosukwa na Mtanzania Mbwana Samatta, anayeichezea timu hiyo.
Msimu uliopita, Ngassa aliifungia Yanga mabao hayo ndani ya mechi nne za hatua ya awali na ya kwanza na kumfanya kuwa miongoni mwa wafungaji bora wa michuano hiyo.
Kutokana na mafanikio hayo, mawakala wa klabu mbalimbali barani Afrika na kwingineko, walianza kufuatilia nyendo za straika huyo kuona kama ana kiwango cha kumwezesha kuzichezea timu zao.
Na kwa kuwa Samatta naye anatoka Tanzania, waliamua kumtumia kujua ubora wa winga huyo machachari.
Kutokana na hilo, Samatta alimtumia ujumbe Ngassa kumtaka kudhihirisha ubora wake wa kucheka na nyavu msimu huu wakiwa wanashiriki michuano ya Kombe la Shirikisho, jambo ambalo mkali huyo amelifanya ndani ya mechi tatu za kwanza kwa kufunga mabao matatu.
Ngassa alifunga bao lake la kwanza katika mchezo wa marudiano wa raundi ya awali ya Kombe la Shirikisho dhidi ya BDF XI nchini Botswana, kabla ya juzi kucheka na nyavu mara mbili walipoivaa FC Platinum ya Zimbabwe kwenye Uwanja wa Taifa, Dar es Salaam.
Katika mchezo huo wa raundi ya kwanza ya michuano hiyo, Yanga walishinda mabao 5-1 na hivyo kujiweka katika mazingira mazuri ya kutinga raundi ya pili kuelekea mchezo wa marudiano unaotarajiwa kupigwa kati ya Aprili 1 na 3, mwaka huu.
Akizungumza na BINGWA kabla ya mchezo wa Yanga wa juzi, Samatta alisema: “Mawakala wa timu mbalimbali watakuwa wakimfuatilia Ngassa kwa karibuni mno, hivyo ni jukumu lake kuhakikisha anazidi kufunga ili kujisafishia njia kwa kufunga mabao mengi katika hatua hizi za awali.”
Na kama alivyokuwa akishauri mkali huyo wa TP Mazembe, Ngassa alifanya kweli kwa kufunga mabao hayo, lakini pia akicheza kwa kiwango cha juu kwa kutengeneza mengine mawili yaliyofungwa na Niyonzima na Tambwe.
Japo Samatta hakuweka wazi, lakini inaonyesha Mtanzania huyo ameanza kumpigia debe Ngassa katika kikosi chao, akiamini wanaweza kutengeneza kombinesheni kali kama wawapo pamoja katika kikosi cha timu ya Taifa, Taifa Stars.
Tayari Ngassa ameonyesha dalili za kutoendelea kuichezea Yanga baada ya kumalizika kwa mkataba wake mwishoni mwa msimu huu na kuna taarifa kuwa klabu kadhaa zimeanza kumwinda, ikiwamo Free State ya Afrika Kusini.
Kwa siku za hivi karibuni, Ngassa amekuwa moto wa kuotea mbali, akichangia kwa kiasi kikubwa ushindi wa timu yake hiyo kwenye Ligi Kuu Tanzania Bara na michuano ya kimataifa.-Bingwa

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inab...
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa...
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama...
Endelea kusoma