Watuhumiwa sita wa ugaidi wapandishwa kizimbani

-

WATU sita wanaotuhumiwa kujihusisha na vitendo vya ugaidi kwa kutegesha na kulipua mabomu yaliyotengenezwa kienyeji katika matukio matatu tofauti mkoani Ruvuma, jana wamefikishwa katika Mahakama ya Hakimu Mkazi wa Mkoa wa Ruvuma kujibu mashtaka yanayowakabili huku nje kukiwa na ulinzi mkali wa Jeshi la Polisi.http://anchortechnologies.com/wp-content/uploads/2013/05/Law-Photo.jpg



Mbele ya Hakimu Mkazi Mfawidhi wa Mahakama hiyo, Simoni Kobelo,

Mwendesha Mashtaka ambaye pia ni

Wakili Mfawidhi wa Serikali wa Kanda ya

Ruvuma, Silivanus Mkude, aliwataja watuhumiwa hao kuwa ni Juma Kibwana maarufu kwa jina la Msabila, Mwalimu Yusuph na Hamza Singano ambao ni wakazi wa Majengo, Manispaa ya Songea, Yasin Musa maarufu kwa jina la Kafupi ambaye ni mkazi wa Manispaa ya Songea, Hasan Mponda na Said Mhando.



Wakili Mkude alidai mahakamani hapo kuwa washtakiwa wote wanakabiliwa

na mashtaka matatu tofauti ya kujaribu kuwaua askari polisi waliokuwa doria na askari wa Kikosi cha Usalama Barabarani waliokuwepo kazini katika eneo la Mshangano Manispaa ya Songea.



Alidai kuwa kosa la kwanza la kujaribu kuua lilitokea Desemba 25, mwaka jana katika eneo la Mtaa wa Kotazi Majengo na mmoja kati yao alijaribu kuwarushia askari polisi bomu lililotengenezwa kienyeji waliokuwa wanafanya doria na kabla hajafanikiwa lilimlipukia na kumsababishia kifo na askari polisi wawili walijeruhiwa.



Alitaja shtaka la pili kuwa Oktoba 27, mwaka jana saa 10 jioni walichimbia ardhini bomu la kienyeji katika eneo la Mshangano kando kando ya barabara ya kutoka Songea kwenda Njombe ambalo hutumiwa na askari wa Usalama Barabarani kama kituo cha ukaguzi wa magari yanayotoka na kuingia Songea Mjini kwa lengo la kuwalipua askari na kabla hawajatimiza lengo lao askari waligundua na kulitegua bomu hilo.



Alilitaja shtaka la tatu linalowakabili kuwa inadaiwa Septemba 16, mwaka jana saa 12 jioni katika Kata ya Misufini karibu na Matarawe Songea Mjini, waliwarushia bomu la kienyeji askari waliokuwa kazini na kuwajeruhi.



Kwa kuwa mahakama hiyo haina uwezo wa kusikiliza kesi za ugaidi, washtakiwa hawakuweza kujibu mashtaka yanayowakabili na kesi hiyo itatajwa tena Februari 19, mwaka huu na washtakiwa wote wamepelekwa mahabusu baada ya kukosa dhamana.-Mtanzania

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inab...
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa...
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama...
Endelea kusoma