Wananchi wamuua aliyemuua polisi

-
MTUHUMIWA  Tissi Mallya ambaye alitoroka baada ya kumuua polisi, G.7168  Koplo Joseph Swai, ameauwa usiku wa kuamkia jana na wananchi alipokuwa amejificha akiwa na panga lenye damu lililotumika kwenye mauaji hayo.

Kamanda wa Polisi Mkoa wa Dodoma kamishna Msaidizi Mwandamizi wa Polisi (SACP) David Misime alisema hayo jana katika mkutano wake na waandishi wa habari.

Inline image 1
Mkuu wa Jeshi la Polisi(IGP), Ernest Mangu, akiaga mwili wa  Askari Joseph Swai, aliyeuawa wakati akijaribu kumwokoa mtoto aliyetaka kuchinjwa na baba yake mkoani Dodoma jana
Mauaji hayo yalitokea juzi asubuhi katika eneo la Chang’ombe Juu.

Kamanda Misime alisema baada ya Malya kutekeleza mauaji hayo alikimbia lakini ilipofika   saa 5.00 usiku wananchi walimuona maeneo ya Mtimkavu Mailimbili akiwa bado na panga alilotumia kumuua Koplo Joseph.

“Wananchi walichukua sheria mkononi na kumshambulia hadi polisi walipofika eneo la tukio wakamchukua na kumkimbiza katika Hospitali ya Rufaa ya Mkoa wa Dodoma lakini aligundulika tayari amekwisha kufariki dunia,” alisema.

 Kamanda Misime alisema katika kumbukumbu  zilizopo,    mwaka 2006 Mallya aliwahi kufungwa miaka mitatu kwa kujeruhi,  pia mwaka 2009 alifungwa miezi sita kwa kutishia kuua.

“Nawapongeza wananchi walioonyesha kuchukizwa na kitendo  alichotendewa askari wetu lakini waache kujichukulia sheria mkononi,” alisema.

Pia alitoa wito kwa wananchi   kuchukua hatua kurekebisha maadili kuanzia ngazi ya familia kwa sababu imebainika mtuhumiwa alikuwa mvuta bangi kiasi  kwamba alikuwa anafanya vitendo ambavyo ni kinyume na maadili ya jamii.

  Diwani wa Kata ya Mnadani, Steven Masangia, alisema alimfahamu polisi aliyeuawa kama kijana mchapakazi ambaye alijitolea kutoa elimu hata kwenye mitaa juu ya ulinzi shirikishi.

 “Alipokuwaa Mnadani alipambana kuhakikisha uhalifu unakomeshwa na hata vijana wanaovuta bangi aliwasambaratisha, na alikuwa akifundisha polisi jamii kwenye mitaa ya kata,” alisema na kuongeza:

 “Alikuwa na cheo kidogo lakini kazi alizokuwa akifanya zilikuwa ni kubwa ikilinganishwa na cheo na umri wake” alisema .

Katika mkasa huo uliotokea juzi asubuhi, askari huyo aliitikia wito   wa kuwapo kwa dalili za tendo la jinai nyumbani kwa mkazi mmoja wa Chang’ombe Juu.

Alipofika nyumbani kwa mkazi huyo ndipo mkasa huo ulipomtokea alipotaka kumuokoa mtoto mchanga ambaye alikuwa auawe na baba yake kwa panga.-mtanzania

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inab...
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa...
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama...
Endelea kusoma