Muhuri wawaponza wagombea Chadema

-

Wagombea hao 1,400 kutoka vijiji 56 vya jimbo hilo, walikutwa na dhahama hiyo baada ya kuwekewa pingamizi na wanachama wa Chama Cha Mapinduzi (CCM) baada ya muhuri waliotumia katika fomu za uteuzi wa wagombea kusomeka ‘CDM’ badala ya Chadema kama ilivyozoeleka.

MUHURI mpya wa Chama cha Demokrasia na Maendeleo (Chadema), umewaponza wagombea wake wote wa Serikali za Mitaa wa Jimbo la Meatu, mkoani Shinyanga.
Pamoja na chama hicho kukata rufaa, Mwenyekiti wa Kamati ya Rufaa ambaye ni Katibu Tawala wa Wilaya ya Meatu, alitupilia mbali rufaa hiyo hali iliyozua vurugu kutoka kwa wanachama wa Chadema waliotaka mwenyekiti huyo kuwasomea rufaa hiyo, badala ya kuwapa barua wakasome wenyewe kama alivyofanya.
Hatua hiyo ilisababisha polisi kuwakamata Mwenyekiti wa Chadema Mkoa wa Shinyanga, Mwenyekiti wa Baraza la Wazee, Mwenyekiti wa Baraza la Vijana wa Wilaya (Bavicha) na viongozi wengine nane.
Mbunge wa Meatu, Meshack Opurukwa (Chadema), alisema kilichofanywa na kamati ya rufaa ni uonevu, kwani walioweka pingamizi si wagombea kama sheria zinavyosema.
“Pingamizi lile ni batili kwa sababu waliokata rufaa ni wanachama, si wagombea na wanaposema muhuri ule si wetu wanamaanisha nini? Wa kulalamika kuhusu uhalali wa muhuri ni sisi, si Serikali wala mtu mwingine yeyote.
“Hatua hii imesababisha wagombea wa CCM wanaowalinda kupita bila kupingwa na sisi hatutakuwa na Serikali katika ngazi ya mtaa jambo ambalo si haki kwa sababu walijua tutashinda kwa kishindo,” alisema Opurukwa.
Akizungumzia sakata hilo, Katibu Mkuu wa Chadema, Dk. Willibrod Slaa, alisema chama chao kimewekewa mapingamizi mengi, lakini batili jambo linalompa hofu kwamba kamati za rufaa zinatekeleza maagizo waliyopewa kukiondoa chama hicho katika Serikali za mitaa.
Alisema hatua ya kukataa rufaa za mapingamizi yanayowekwa ni kufanya mlolongo uwe mrefu ili wakasirike na kwenda mahakamani ambako itachukua muda mrefu kutolewa uamuzi jambo ambalo Chadema wanalipinga.
“Si Meatu tu, tumewekewa pingamizi 500 Karagwe, hizi sababu zake ni wadhamini, Mwanza 400 na Dar es Salaam 50, hii kwa Chadema haikubaliki sababu ya muhuri ni hoja isiyo na mashiko,”.-Mtanzania

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inab...
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa...
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama...
Endelea kusoma