Polisi aliyemkata vidole mtumishi wake afukuzwa

JESHI la Polisi Mkoa wa Mwanza limemfukuza kazi askari wake, Sajini WP Fatuma, baada ya kuthibitika alimkata vidole vinne mfanyakazi wake wa ndani, Steven Magesa (18).   Akizungumza mjini hapa jana, Kamanda wa Polisi Mkoa wa Mwanza, Valentino Mlowola, alisema baada ya kupokea taarifa za tukio la askari huyo lililotokea Oktoba 20, mwaka huu, walichukua hatua za kiutawala na kuanza kufanya uchunguzi. Alisema katika hatua hizo waliunda timu maalumu ya wachunguzi kufuatilia tukio hilo lililofanyika katika Kijiji cha Magange Mugumu wilayani Serengeti mkoani Mara ambako ni nyumbani kwa kijana huyo na walipata uthibitisho wa kutosha wa askari huyo kuhusika na kosa hilo hivyo kumfukuza kazi baada ya kumsikiliza katika mahakama ya jeshi. “Baada ya uchunguzi tulibaini kuwapo kwa udanganyifu wa maelezo yaliyotolewa na WP Fatuma kuhusiana na tukio hilo, hivyo kutokana na ushahidi uliowasilishwa katika Mahakama ya Jeshi, tulimtia hatiani na kuvuliwa nyadhifa zake zote ikiwa ni pamoja na kumfukuza kazi. “Kwa sasa WP Fatuma amesafirishwa kwenda mkoani Mara kwa ajili ya kushitakiwa mahakamani kwa jinai. Hili ni fundisho kwa askari wetu wengine wenye tabia kama hii na watu wengine ambao wamekuwa wakijichukulia sheria mkononi na kufanya vitendo vya jinai kwa kushindwa kufuata sheria,” alisema Mlowola. Aliwataka askari kuacha kutenda makosa ya jinai, kuwanyanyasa raia wakati wanaposhughulikia malalamiko na makosa ya jinai yanayofikishwa katika vituo vya polisi na madawati na badala yake wazingatie maadili na taratibu zao kutokana na wao kupewa dhamana ya kuwalinda raia na mali zao. Kwa upande wake, Steven, amelipongeza jeshi hilo kutomlinda askari wake na kuamua kumchukulia hatua kali za kimaadili na kisheria kwa kosa alilotendewa na askari huyo kwa kumtuhumu kumwibia deki ya video na vitu vingine vya ndani vyenye thamani ya Sh 300,000 akiwa mfanyakazi wake

Conversation opened. 1 unread message.