Mosoti: Nipo tayari kurejea Simba

-
http://i2.wp.com/millardayo.com/wp-content/uploads/2014/03/musoti.jpg?resize=617%2C607
BEKI wa zamani wa Simba, Mkenya Donald Mosoti amesema yupo tayari kufuta kesi na kurejea Simba endapo tu watahitaji huduma yake na kufikia makubaliano kimkataba.
Kauli hiyo aliitoa baada ya kuwepo na taarifa kwamba Kocha Patrick Phiri bado anamuhitaji beki huyo wa kati katika usajili wa dirisha dogo utakaoanza Novemba 15 ili kuboresha safu yake ya ulinzi ambayo inaonekana kuwa tatizo ndani ya kikosi chake.
Jina la Mosoti lilikatwa siku mbili kabla ya dirisha la usajili mpya wa Ligi Kuu Bara kufungwa ambapo nafasi yake ilichukuliwa na mshambuliaji Mganda Emmanuel Okwi na hivyo kuamua kufungua kesi katika Shirikisho la Soka la Kimataifa (Fifa), kesi ambayo inasimamiwa na wakili wake Felix Majani kwa madai ya kuvunjiwa mkataba wake pasipo makubaliano.
Fifa iliwataka Simba kupeleka vielelezo vyao ikiwemo mkataba baina yao na Mosoti kwa ajili ya kuanza kusikiliza kesi hiyo kwa pande zote mbili lakini viongozi wa Simba walishindwa kufanya hivyo na Fifa sasa wanasubiri kutoa uamuzi wa upande mmoja.
Mosoti (pichani) aliliambia Mwanaspoti kuwa: “Kesi ipo Fifa ambao waliomba mkataba wangu na Simba ili waupitie, wakili wangu Majani aliwapelekea hivyo kinachosubiriwa ni uamuzi tu lakini pia kurudi Simba sio tatizo kikubwa ni kukaa na kufikia makubaliano.”
“Kama wanahitaji huduma yangu mimi sina tatizo ila zitafuatwa taratibu na tukikubaliana kwa pamoja basi hakutakuwa na haja ya kuendelea na kesi hivyo itafutwa,” alisema Mosoti.
Kwa sasa Simba ipo katika mikakati ya kuhakikisha wanaimarisha kikosi chao kutokana na matokeo ya sare waliyoyapata kwenye mechi sita za ligi.
Mabao ya Simba yote yanatokana na beki yao kutokuwa imara kulinda lango lao pale wanapopata ushindi na kuwapa nafasi wapinzani wao kusawazisha.
Tayari Phiri ametaja nafasi anazotaka kuzifanyia maboresho kuwa ni straika, kiungo mkabaji, beki ya kati, beki ya kulia na kushoto pamoja na kipa.-CHANZO Mwanasport

Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inab...
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa...
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama...
Endelea kusoma