Yanga yashusha mastaa Kagame,yamzuga Kiiza

-
KOCHA wa Yanga, Mbrazili Marcio Maximo ameamua kuwatupia mzigo wa Kombe la Kagame wasaidizi wake, Leonardo Neiva na Shadrack Nsajigwa na kuwapa wachezaji 21 ambao anasema wana uwezo wa kurejea na kombe hilo Tanzania
Lakini watani wa Yanga baada ya kusikia uamuzi wa Maximo wakaanza kukejeli kwamba amekimbia lawama ingawa yeye ameeleza wazi programu yake.
Wakati Neiva na Nsajigwa wakienda kupambana nchini Rwanda Maximo ataungana na kocha wa kikosi cha timu ya vijana ya klabu hiyo, Salvatory Edward kuweka kambi Pemba.
Yanga imepangwa kundi A katika michuano hiyo na itatupa karata yake ya kwanza  Agosti 8 dhidi ya Rayon Sports ya Rwanda. Japo Maximo amefanya siri juu ya kikosi kitakachokwenda kwenye kombe la Kagame, Mwanaspoti linafahamu kuwa wachezaji walioko na timu za taifa ni Oscar Joshua na Nadir Haroub Cannavaro pekee watakaoungana na kikosi hicho.
Oscar anapewa nafasi kubwa ya kwenda kutokana na nafasi anayoicheza kuwa na mchezaji mmoja tu Amosi Abel  kutoka timu ya vijana huku Cannavaro akienda kutokana na kukosekana kwa beki mzoefu wa kati.
Mwanaspoti linafahamu kuwa Katika wachezaji waliofanya mazoezi na Maximo tangu mwanzo watakaoenda Rwanda kwenye michuano hiyo ya Kagame kwa mujibu wa mazoezi ni makipa Juma Kaseja, Ally Mustapha ‘Barthez’ na Said Ally wa timu ya vijana.
Mabeki watakaoongozana na kikosi hicho ni Juma Abdul, Said Juma, Rajab Zahir, Salum Telela, Issa Ngao, Amosi Abel, Oscar na Cannavaro. Viungo ni Mbuyu Twite na Omega Seme (kama viungo wakabaji) , Hassan Dilunga na Hamis Thabiti kama viungo washambuliaji. Wabrazil Andrey Coutinho na Genilson Santos ‘Jaja’, Saidi Bahanuzi na Jerry Tegete ndio wakataoongoza safu ya ushambuliaji.
Wachezaji wengine watakaokwenda na kikosi hicho ni Nizar Khalifan na Hussein Javu ili kukamilisha idadi hiyo ya wachezaji 21. Maximo alisema, “Mimi sitakwenda na timu, watakwenda Nsajigwa (Shadrack) na Leonardo (Neiva) na kikosi cha wachezaji kati ya 20 ama 21 pekee, kati ya hao mmoja au wawili pekee anayetoka kwenye majukumu ya kitaifa ndiyo watakaojiunga na timu.
“Mimi na Salvatory (Edward) tutasafiri na wachezaji wengine wanaotoka kwenye timu za Taifa pamoja na hawa wanaobaki kwenda Pemba (visiwani) kuweka kambi, tutafanya mazoezi mpaka watakaporejea kutoka Kagame.”
“Watakaokwenda na timu Kagame wataandika ripoti na pia nitazitazama picha za video, baada ya hapo tutafanya tathmini na kupanga kikosi imara kwaajili ya mapambano,” alisema Maximo huku katika mazoezi ya jana wachezaji wa Yanga akiwemo Coutinho na Juma Abdul wakimchezesha Jaja kiutamu tofauti na siku za nyuma.


Maoni

Chapisha Maoni

Machapisho maarufu kutoka blogu hii

HADITHI:MWALIMU MAGDALENA sehemu ya 1

-
Picha
TITLE:     MWALIMU MAGDALENA SEHEMU ya kwanza Kwa wasomaji wapya Maisha ya shule yalimwendea vibaya John Sahau akajikuta akiangukia kwenye dimbwi la mapenzi ya mwalimu wake, Mwalimu Magdalena, shuleni hapo lakini kuhamia kwa mwalimu mpya wa somo la hisabati kuna badilisha maisha ya John kiasi cha kushindwa kuendana na kasi ya masomo kama alivyokuwa awali. Nini Mwalimu anafanya baada ya kugundua mwalimu mpya ndiyo chanzo cha kushuka kiwango kwa John? Fuatilia hadithi hii ya kusisimua ya Mwalimu Magdalena. Endelea   BAADA ya kuisha kwa hadithi ya ‘ BEHIND OF MY EYES ’ leo tunawaletea hadithi mpya inayokwenda kwa jina la ‘ Mwalimu Magdalena ’. John anawahi mapema kufika shuleni akiwataka wenzake wakamalizie kipande walichokiacha siku iliyopita ili mvua zitakapoanza wawe wameshamaliza kazi hiyo. Inawachukua muda mfupi kumaliza kipande hichowanaingia darasani kwa ajili ya masomo. Lakini kipindi cha mwalimu Magdalena kinapofika hali ya John inab...
Endelea kusoma

Hadithi: Mwalimu Magdalena sehemu ya 5

-
Picha
ilipoishia Mazungumzo yao yaliendelea, wakafika nyumbani kwa mwalimu Magdalena, wakapitiwa na usingizi, kutokana na uchovu waliokuwa nao mwalimu Magdalena na mwalimu Joka wakajikuta wakiamka saa 4 asubuhi, tena baada ya John kuwagongea kutokana na kutomuona mwalimu Magdalena shuleni. “Sasa itakuwaje, nje kuna hodi inagongwa na sauti ya huyo mtu namjua ni wa shuleni, kama akikuona itakuwa balaa upya, watahisi kuna kitu kimefanyika kati yangu na wewe, sasa naomba ujifiche humu humu ndani mi natoka kumsikiliza.’’ “Sawa.” sasa endelea Mwalimu Magdalena alipotoka nje akakutana na John, mwanafunzi anayempenda, John hakutaka kuhoji chochote hadi aingie ndani lakini mwalimu Magdalena alionyesha hofu kama ya kusita, lakini akakubaliana na yote, John akaingia akakaa kitandani huku mwalimu Joka akiwa amejificha chini ya uvungu wa kitanda cha mwalimu Magdalena. “Mwalimu mbona hadi sasa hujafika shuleni kila mtu anahofu nawe, hakuna anayeelewa somo lolote hadi wakuone, mwa...
Endelea kusoma

Hadithi: Mwalimu Magdalena sehemu ya 4

-
Picha
Ilipoishia Mwalimu Magdalena alikimbia huku akipiga kelele bila kujua anakokimbilia angepata msaada ama la! Alishaanza kuchoka na ilikuwa giza sana, lakini alichoambulia kugundua ni kwamba mtu aliyekuwa akimkimbiza alikuwa amevaa kinyago na nguo nyeusi ili asitambulike. Sasa Endelea GHAFLA mwalimu Magdalena akajikuta akikamatwa na kufumbwa mdomo, alikukuruka ili ajitoe katika mikono iliyombana vema, lakini hakuweza kuitoa, alijitahidi kujitoa mbele ya mtu huyo aliyemfumba mdomo, sauti pia miguu yake havikumsaidia kufanya chochote kujikwamua kutoka eneo hilo. Mwenyekiti alishangaa kutosikia sauti ya mwalimu Magdalena, akaangaza huku na kule, lakini hakuweza kutambua wapi alipo mwalimu Magdalena, alinyanyua macho huku na huko, lakini hakufanikiwa. Taratibu Mwalimu Magdalena alikuwa akipoteza nguvu kutokana na kubanwa na asiyemjua, mtu yule alimvuta eneo lingine ili kumkwepa mwenyekiti aliyekuwa akimsaka mwalimu Magdalena ili atimize ahadi yake. Mwenyekiti alianza kuhama...
Endelea kusoma